Vengriiadaǵy parlament sailaýynan keiin eldiń syrtqy saiasatyna qatysty qarama-qaishy málimdemeler kóbeiip, geosaiasi shielenis kúsheidi, dep habarlaidy Dala News.
Resei biligi oppozitsiia lideri Peter Madiardy sailaýdaǵy jeńisimen quttyqtamaitynyn málimdedi. Kreml Vengriiany «dostyq emes elder» qataryna jatqyzatynyn atap ótti.
Sonymen qatar, Resei prezidentiniń baspasóz hatshysy Dmitrii Peskov Orbanmen «dostyq bolmaǵanyn», tek dialog júrgizilgenin aitty.
Osy tusta Eýroodaq kerisinshe belsendi pozitsiia tanytyp otyr. Ýrsýla fon der Liaien EO Ýkrainaǵa arnalǵan 90 mlrd eýro kólemindegi qarjyny tez arada iske qosý qajet ekenin málimdedi.
Onyń aitýynsha, qazirgi jaǵdaidy paidalanyp, EO syrtqy saiasattaǵy sheshimder úshin biraýyzdylyq talabyn qaita qaraýy tiis.
Vengriianyń óz ishinde de qoǵamdyq kóńil-kúi ózgergeni baiqaldy. Býdapesht metrosynda adamdar «Ruszkik haza!» («Orystar, úige qaityńdar!») degen urandar aitqan. Bul – 1956 jylǵy revoliýtsiia kezindegi tarihi uran.
Sonymen qatar jańa saiasi figýra Peter Madiar birqatar mańyzdy málimdeme jasady. Ol Vengriia Reseiden munai satyp alýdy jalǵastyratynyn aitty.
«Biz eń qaýipsiz jáne eń arzan munaidy satyp alýǵa umtylamyz», – dedi ol.
Sondai-aq ol Ýkrainaǵa 90 mlrd eýro kólemindegi eýropalyq nesieleý josparyn qoldamaitynyn jetkizdi jáne Ýkrainanyń EO-ǵa jedel kirýine qarsy ekenin málimdedi.
Madiardyń aitýynsha, Ýkrainaǵa qatysty sheshimder tek ýkrain halqynyń erkine bailanysty bolýy tiis.
«Ýkraina – bul soǵystyń qurbany. Eshkim oǵan qandai shartpen beibit kelisim jasaý kerektigin aita almaidy. Eshbir eldi óz territoriiasynan bas tartýǵa májbúrleýge bolmaidy», – dedi ol.
Sonymen qatar ol Resei prezidenti Vladimir Pýtinmen yqtimal bailanys týraly da pikir bildirdi.
«Eger ol maǵan qońyraý shalsa, jaýap beremin. Biraq ózim birinshi bolyp habarlaspaimyn. Eger sóilesetin bolsaq, soǵysty toqtatýdy surar edim», – dedi Madiar.
Onyń aitýynsha, bul soǵystyń maǵynasy joq jáne myńdaǵan adamnyń ómirin qiǵan.
Sarapshylardyń pikirinshe, Vengriiadaǵy bilik aýysýy Eýropa men Resei arasyndaǵy tepe-teńdikke áser etýi múmkin, alaida jańa biliktiń ustanymy tolyqtai bir baǵytqa ózgermeitini baiqalyp otyr.
