Jeńistiń 81 jyldyǵy qarsańynda jergilikti atqarýshy organdar (ákimdikter) jergilikti biýdjetter esebinen UOS ardagerleri men tyl eńbekkerlerine birjolǵy materialdyq kómek kórsetti, dep habarlaidy dalanews.kz.
Eńbek jáne halyqty áleýmettik qorǵaý ministrliginiń málimetinshe, mereke aiasynda Qazaqstanda turatyn UOS ardagerleriniń árqaisysyna 5 mln teńgeden (10 myń dollardan astam) tólendi. Jalpy alǵanda, ákimdikter tarapynan berilgen merekelik tólemder 32,9 myń adamdy qamtydy. Olardyń qatarynda UOS ardagerleri, sondai-aq Jeńiske úles qosqan ózge de azamattar bar (tyl eńbekkerleri, qaza tapqan jaýyngerlerdiń jesirleri, jaraqat, kontýziia nemese mertigý saldarynan qaitys bolǵan múgedektigi bar adamdardyń jubailary jáne t.b.).
Sonymen qatar respýblikalyq biýdjet esebinen zeinetaqy jáne ózge de áleýmettik tólemder kólemi jyl saiyn artyp keledi. 2026 jylǵy 1 mamyrdaǵy jaǵdai boiynsha UOS qatysýshylarynyń ai saiynǵy jiyntyq tólemi (zeinetaqyny eskergende) orta eseppen shamamen 290 myń teńgeni quraidy. Al UOS kezeńinde múgedektik alǵan azamattar úshin bul kórsetkish 300 myń teńgeden astam somany quraidy.
Qarjylai kómekten bólek, ardagerlerdi qoldaýdyń biryńǵai júiesi qalyptasqan. Atap aitqanda, olarǵa tegin shipajailyq-kýrorttyq emdeý, mamandandyrylǵan gospitaldarda bilikti meditsinalyq kómek, turǵyn úimen qamtamasyz etý jáne ózge de qoldaý sharalary usynylady.
Sonymen qatar jergilikti deńgeide ákimdikter tarapynan qosymsha kómek kórsetiledi: turǵyn úilerdi jóndeý, dári-dármekpen, otynmen, azyq-túlik jiyntyqtarymen qamtamasyz etý jáne basqa da qoldaý túrleri qarastyrylǵan.
