Uly Otan soǵysyndaǵy Jeńistiń 81 jyldyǵy qarsańynda ákimdikter jergilikti biýdjet esebinen UOS ardagerleri men tyl eńbekkerlerine birjolǵy materialdyq kómek kórsetti, dep habarlaidy dalanews.kz.
Mereke aiasynda Qazaqstanda turatyn UOS ardagerlerine 5 mln teńgeden (10 myń dollardan asa) tólendi.
Ákimdikter tarapynan berilgen merekelik tólem 32,9 myń adamdy qamtydy. Olardyń qatarynda UOS ardagerleri, sondai-aq, Jeńiske úles qosqan ózge de azamattar bar (tyl eńbekkerleri, qaza tapqan jaýyngerlerdiń jesirleri jáne t.b.).
1 mamyrdaǵy jaǵdai boiynsha UOS ardagerleriniń ai saiynǵy jiyntyq tólemi (zeinetaqyny eskergende) - orta eseppen shamamen 290 myń teńge. Al UOS kezeńinde múgedektik alǵan azamattar úshin bul kórsetkish 300 myń teńgeden asady.
Qarjylai kómekten bólek, ardagerlerdi qoldaýdyń biryńǵai júiesi qalyptasqan. Olarǵa tegin shipajai, arnaýly gospitaldarda bilikti meditsinalyq kómek, turǵyn úimen qamtamasyz etý jáne ózge de qoldaý sharalary usynylady.
Sonymen qatar, jergilikti deńgeide ákimdikter tarapynan qosymsha kómek kórsetiledi: turǵyn úilerdi jóndeý, dári-dármekpen, otynmen, azyq-túlikpen qamtamasyz etý jáne basqa da qoldaý túrleri qarastyrylǵan.
