Bishkektiń Sverdlov aýdandyq soty burynǵy áielin óltirip, azaptady dep aiyptalǵan politsiianyń eks-qyzmetkeri Baqyt Ýrýstemovti ómir boiyna bas bostandyǵynan aiyrdy, dep habarlaidy dalanews.kz.
Sot Ýrýstemovti Qyrǵyzstan Qylmystyq kodeksiniń asa qatygezdikpen adam óltirý jáne dármensiz nemese kinálige táýeldi adamdy azaptaý baptary boiynsha kináli dep tanyǵan.
Ómir boiyna bas bostandyǵynan aiyrý jazasynan bólek, sottalǵan adam jábirlenýshi tarapqa moraldyq ziian retinde 1 million som tóleýge mindetteldi.
Qaiǵyly oqiǵa 2025 jylǵy 23 jeltoqsanda bolǵan. Sol kúni týǵan kúnin atap ótip júrgen Qyrǵyz ekonomikalyq ýniversitetiniń oqytýshysy Jibek Ýrýstemova oq jaraqatynan qaza tapqan.
Marqumnyń artynda úsh uly qaldy. Oqiǵa kezinde olardyń ekeýi bastaýysh synypta oqyǵan.
Bul qylmys Qyrǵyzstan qoǵamynda úlken rezonans týdyrdy. Ulttyq qaýipsizdik memlekettik komiteti iske aralasqannan keiin taǵy eki politsiia qyzmetkeri ustalǵan.
Tergeý nusqasyna sáikes, ýchaskelik inspektor aiyptalýshynyń turǵylyqty mekenjaiy boiynsha tekserý júrgizilgeni týraly qujattardy keiingi kúnmen rásimdegen.
Al Bishkek qalalyq ishki ister bas basqarmasy arnaiy bóliminiń aǵa inspektory kúdiktige travmatikalyq qarýdy saqtaý jáne alyp júrý ruqsatyn zańsyz bergen jáne onyń merzimin birneshe ret uzartqan degen kúdikke ilingen.
