Qalalyq sanıtarlyq epıdemıologıalyq baqylaý qyzmetiniń málimdeýinshe, qala turǵyndary tarapynan meshitterdegi daýys kúsheıtkish arqyly oqylatyn azannyń daýysyna shaǵymdar kóbeıgen. Múftıdiń orynbasary Ákimjan Ergeshov Azattyq radıosyna Qyrǵyzstannyń musylmandary dinı basqarmasy bul máseleni talqylaıdy dedi.
– Biz sanıtarlyq epıdemıologıalyq baqylaý qyzmetine qalada tártipti saqtaımyz dep ýáde etti. Biz muny júzege asyrýdyń joldaryn qarastyryp jatyrmyz. Meshit qyzmetkerlerimen sóılestik. Túnde azan shaqyrar kezde daýys kúsheıtkishti báseńdetetin bolady. Biraq tyıym salynbaıdy. Sebebi azannyń daýysyn kútetin adamdar kóp, – deıdi Ergeshov.
Sanepıdembaqylaý talaptyń oryndalýyn qadaǵalaıtyndaryn aıtady.
Sharıǵat zańy boıynsha, meshitterde kúnine bes ret namaz oqylar aldynda azan shaqyrylýy kerek. Úsh ret kúndiz, bir ret keshki saǵat ondar shamasynda jáne bir ret tańǵy tórtter shamasynda meshitterde azan oqylady.
"QmD" aqparat
