قالالىق سانيتارلىق ەپيدەميولوگيالىق باقىلاۋ قىزمەتىنىڭ مالىمدەۋىنشە، قالا تۇرعىندارى تاراپىنان مەشىتتەردەگى داۋىس كۇشەيتكىش ارقىلى وقىلاتىن ازاننىڭ داۋىسىنا شاعىمدار كوبەيگەن. ءمۇفتيدىڭ ورىنباسارى اكىمجان ەرگەشوۆ ازاتتىق راديوسىنا قىرعىزستاننىڭ مۇسىلماندارى ءدىني باسقارماسى بۇل ماسەلەنى تالقىلايدى دەدى.
– ءبىز سانيتارلىق ەپيدەميولوگيالىق باقىلاۋ قىزمەتىنە قالادا ءتارتىپتى ساقتايمىز دەپ ۋادە ەتتى. ءبىز مۇنى جۇزەگە اسىرۋدىڭ جولدارىن قاراستىرىپ جاتىرمىز. مەشىت قىزمەتكەرلەرىمەن سويلەستىك. تۇندە ازان شاقىرار كەزدە داۋىس كۇشەيتكىشتى باسەڭدەتەتىن بولادى. ءبىراق تىيىم سالىنبايدى. سەبەبى ازاننىڭ داۋىسىن كۇتەتىن ادامدار كوپ، – دەيدى ەرگەشوۆ.
سانەپيدەمباقىلاۋ تالاپتىڭ ورىندالۋىن قاداعالايتىندارىن ايتادى.
شاريعات زاڭى بويىنشا، مەشىتتەردە كۇنىنە بەس رەت ناماز وقىلار الدىندا ازان شاقىرىلۋى كەرەك. ءۇش رەت كۇندىز، ءبىر رەت كەشكى ساعات وندار شاماسىندا جانە ءبىر رەت تاڭعى تورتتەر شاماسىندا مەشىتتەردە ازان وقىلادى.
"قمد" اقپارات
