Qyrǵyzstannyń áleýmettik jeliler segmentinde qyrǵyz tiline qatysty kelemej mazmundaǵy video keńinen tarady. Beinejazba buǵan deiin «Kýlikov» konditerlik jelisi men bloger Aitilek Orozbekov arasynda týyndaǵan tildik daý aiasynda túsirilgen, dep habarlaidy Dalanews.kz.
Videoda úsh bloger qyrǵyz tilin kelemejdep, mazaq etken. Bul jazba qoǵamda úlken rezonans týdyrdy.
Bishkek qalalyq ishki ister basqarmasynyń baspasóz qyzmeti habarlaǵandai, atalǵan derek boiynsha sotqa deiingi tekserý bastalǵan. Tekserý aiasynda astanalyq militsiianyń ekstremizmge jáne zańsyz kóshi-qonǵa qarsy qyzmetiniń jedel ýákilderi men Ulttyq qaýipsizdik memlekettik komitetiniń qyzmetkerleri beinejazbada beinelengen azamattardyń jeke basyn anyqtaǵan.
Olar — 1991 jyly týǵan T.K., 1991 jyly týǵan S.S. jáne 1991 jyly týǵan M.M. bolyp shyqty.
Atalǵan blogerler Bishkek qalalyq ishki ister basqarmasynyń Tergeý qyzmetine jetkizilgen. Tergeý barysynda olar jariialaǵan videosy úshin keshirim suraǵan.
Quqyq qorǵaý organdarynyń málimetinshe, tekserý nátijesi boiynsha atalǵan oqiǵaǵa quqyqtyq baǵa beriletin bolady.
