قىرعىزستاننىڭ الەۋمەتتىك جەلىلەر سەگمەنتىندە قىرعىز تىلىنە قاتىستى كەلەمەج مازمۇنداعى ۆيدەو كەڭىنەن تارادى. بەينەجازبا بۇعان دەيىن «كۋليكوۆ» كونديتەرلىك جەلىسى مەن بلوگەر ايتيلەك وروزبەكوۆ اراسىندا تۋىنداعان تىلدىك داۋ اياسىندا تۇسىرىلگەن، دەپ حابارلايدى Dalanews.kz.
ۆيدەودا ءۇش بلوگەر قىرعىز ءتىلىن كەلەمەجدەپ، مازاق ەتكەن. بۇل جازبا قوعامدا ۇلكەن رەزونانس تۋدىردى.
بىشكەك قالالىق ىشكى ىستەر باسقارماسىنىڭ باسپا ءسوز قىزمەتى حابارلاعانداي، اتالعان دەرەك بويىنشا سوتقا دەيىنگى تەكسەرۋ باستالعان. تەكسەرۋ اياسىندا استانالىق ميليسيانىڭ ەكسترەميزمگە جانە زاڭسىز كوشى-قونعا قارسى قىزمەتىنىڭ جەدەل ۋاكىلدەرى مەن ۇلتتىق قاۋىپسىزدىك مەملەكەتتىك كوميتەتىنىڭ قىزمەتكەرلەرى بەينەجازبادا بەينەلەنگەن ازاماتتاردىڭ جەكە باسىن انىقتاعان.
ولار — 1991 جىلى تۋعان ت.ك.، 1991 جىلى تۋعان س.س. جانە 1991 جىلى تۋعان م.م. بولىپ شىقتى.
اتالعان بلوگەرلەر بىشكەك قالالىق ىشكى ىستەر باسقارماسىنىڭ تەرگەۋ قىزمەتىنە جەتكىزىلگەن. تەرگەۋ بارىسىندا ولار جاريالاعان ۆيدەوسى ءۇشىن كەشىرىم سۇراعان.
قۇقىق قورعاۋ ورگاندارىنىڭ مالىمەتىنشە، تەكسەرۋ ناتيجەسى بويىنشا اتالعان وقيعاعا قۇقىقتىق باعا بەرىلەتىن بولادى.
