– Birtanov pen Ábishevke qatysty qylmystyq is №2 Saryarqa aýdandyq sotyna qaita kelip tústi. Qylmystyq is boiynsha aldyn ala tyńdaý 11 mamyr kúni ótedi, – dep habarlady sottyń baspasóz hatshysy Botagóz Baianova.
Esterińizge salamyz №2 Saryarqa aýdandyq sotynyń sýdiasy Ibragim Alkenov iste qylmystyq zańnama normalary buzylǵanyn aityp, isti qaita qaraýǵa qaitarǵan edi.
Eljan Birtanov 2020 jyly 25 maýsymda qyzmetinen alynǵan bolatyn. Ol kezde eks-ministrdiń koronavirýsqa shaldyqqany belgili bolǵan edi. Al 2020 jyldyń qazan aiynda Birtanovtyń biýdjet qarajatyn talan-tarajǵa saldy degen kúdikpen qamaýǵa alynǵany esimizde. Al qarasha aiynda onyń qorǵaýshysy eks-ministrdiń úiqamaqta ekenin aitqan-dy. Sodan beri Birtanovtyń úiqamaqtaǵy merzimi birineshe ret uzartylǵan bolatyn.
2021 jyly 7 shildede Birtanovqa taǵylǵan «biýdjet qarjysyn jymqyrdy» degen aiyp, «qyzmet babyn asyra paidalandy» degen aiyppen almastyrylǵan bolatyn. Biraq Birtanov bul aiypty da moiyndaǵan joq.
Qazirgi tańda Birtanov pen Ábishev Densaýlyq saqtaý ministrligin aqparattandyrý platformasyn iske qosýda qyzmet babyn asyra paidalanǵan degen kúdikpen tergelýde.
