– بٸرتانوۆ پەن ەبٸشەۆكە قاتىستى قىلمىستىق ٸس №2 سارىارقا اۋداندىق سوتىنا قايتا كەلٸپ تٷستٸ. قىلمىستىق ٸس بويىنشا الدىن الا تىڭداۋ 11 مامىر كٷنٸ ٶتەدٸ, – دەپ حابارلادى سوتتىڭ باسپاسٶز حاتشىسى بوتاگٶز بايانوۆا.
ەستەرٸڭٸزگە سالامىز №2 سارىارقا اۋداندىق سوتىنىڭ سۋدياسى يبراگيم الكەنوۆ ٸستە قىلمىستىق زاڭناما نورمالارى بۇزىلعانىن ايتىپ, ٸستٸ قايتا قاراۋعا قايتارعان ەدٸ.
ەلجان بٸرتانوۆ 2020 جىلى 25 ماۋسىمدا قىزمەتٸنەن الىنعان بولاتىن. ول كەزدە ەكس-مينيستردٸڭ كوروناۆيرۋسقا شالدىققانى بەلگٸلٸ بولعان ەدٸ. ال 2020 جىلدىڭ قازان ايىندا بٸرتانوۆتىڭ بيۋدجەت قاراجاتىن تالان-تاراجعا سالدى دەگەن كٷدٸكپەن قاماۋعا الىنعانى ەسٸمٸزدە. ال قاراشا ايىندا ونىڭ قورعاۋشىسى ەكس-مينيستردٸڭ ٷيقاماقتا ەكەنٸن ايتقان-دى. سودان بەرٸ بٸرتانوۆتىڭ ٷيقاماقتاعى مەرزٸمٸ بٸرٸنەشە رەت ۇزارتىلعان بولاتىن.
2021 جىلى 7 شٸلدەدە بٸرتانوۆقا تاعىلعان «بيۋدجەت قارجىسىن جىمقىردى» دەگەن ايىپ, «قىزمەت بابىن اسىرا پايدالاندى» دەگەن ايىپپەن الماستىرىلعان بولاتىن. بٸراق بٸرتانوۆ بۇل ايىپتى دا مويىنداعان جوق.
قازٸرگٸ تاڭدا بٸرتانوۆ پەن ەبٸشەۆ دەنساۋلىق ساقتاۋ مينيسترلٸگٸن اقپاراتتاندىرۋ پلاتفورماسىن ٸسكە قوسۋدا قىزمەت بابىن اسىرا پايدالانعان دەگەن كٷدٸكپەن تەرگەلۋدە.
