– Olar Almatyda statsionarǵa jatqyzyldy. Klinikalyq belgileri joq, hali jaqsy. Qajetti sharalardyń barlyǵy qabyldanyp jatyr, – dedi Eljan Birtanov.
Ministrdiń aitýynsha, olar 9 jáne 12 naýryzda eki túrli ushaqpen ushyp kelgen. Bir ushaqta bolǵan 12 adamnyń barlyǵy karantinge jiberilgen. Al 9 naýryz kúngi reiste bolǵan 73 jolaýshyny taýyp, karantinge jatqyzý máselesi qarastyrylyp jatqanyn ministr alǵa tartty.
11 naýryzda Dúniejúzilik densaýlyq saqtaý uiymy Qytaida taraǵan Covid-19 koronavirýsyn pandemiia dep jariialaǵan.
12 naýryzda Qazaqstan úkimeti mektep oqýshylaryn demalysqa erte shyǵaryp, stýdentterdi onlain oqýǵa kóshirip, merekelik is-shara men ushaq qatynasyna shekteý engiziletinin habarlady.
Úsh ai buryn Qytaida tarai bastaǵan COVID-19 koronavirýsyn qazir 120-ǵa jýyq elde 130 myńǵa tarta adam juqtyrǵan. Qaitys bolǵandar sany 5 myńǵa jýyqtady. 70 myńdai naýqas aýrýdan aiyqqan.
