Birqatar óńirde qylmys deńgeıi ósken. Bul týraly Bas prokýror Berik Asylov málimdedi, – dep habarlaıdy Dalanews.kz.
2025 jylǵy alǵashqy 3 aıda eldegi qylmys deńgeıi 5,8%-ǵa (quqyqbuzýshylyq 35 320-dan 33 279 deıin) tómendegen.
Berik Asylov mynadaı baǵyttar boıynsha qylmys deńgeıi aıtarlyqtaı tómendegenin málimdedi:
- urlyq 29,3%-ǵa;
- buzaqylyq 32,6%-ǵa;
- mal urlyǵy 27,6%-ǵa;
- onsha aýyr emes qylmystar 11,9%-ǵa tómendedi.
- asa aýyr qylmystar eki esege azaıǵan.
Degenmen keıbir óńirlerde qylmys deńgeıi ósken.
"Shymkent qalasynda 25,8%-ǵa; Jambyl oblysynda 21%-ǵa; Ulytaý oblysynda 13,6%-ǵa; Aqmola, Batys Qazaqstan jáne Qostanaı oblystarynda ortasha deńgeıde óskeni baıqalady. Bul óńirlerde vedomstvoaralyq úılestirýdi kúsheıtip, naqty baǵyttalǵan jumysty júrgizý qajet", - dedi Bas prokýror.
Alaıaqtyq 3,9%-ǵa tómendegen, jalpy keltirilgen zalal 41,4 mlrd teńge bolǵan, bul byltyrmen salystyrǵanda eki esege azaıǵan (2024 j. – 93,7 mlrd tg).
"Onyń ishinde 11,7 mlrd teńge óteldi, bul is júzinde ótken jyldyń deńgeıine sáıkes keledi. Zalaldy óteý boıynsha jumys kúsheıtiledi", - dedi Berik Asylov.
