"Qazgidromet" RMK aýa raiyna bailanysty eskertý jariialady, dep habarlaidy Dalanews.kz.
Sinoptikterdiń málimetinshe, sársenbide birqatar oblysta tuman túsip, jel kúsheiip, kóktaiǵaq bolady.
Atyraý oblysynda túngi jáne tańǵy ýaqytta óńirdiń batysy, soltústigi men ońtústigine qalyń tuman túsedi.
Almaty oblysynda 26 qarashada túnde jáne tańerteń soltústik pen batys aimaqtarynda tuman kútiledi. Ońtústik-shyǵystan soqqan jeldiń jyldamdyǵy oblystyń ońtústigi men taý bókterinde 15–20 m/s, kei tusta 25 m/s deiin jetpek.
Ulytaý oblysynda túnde jáne tańerteń soltústik jáne shyǵys bóliginde tuman baiqalady.
Shyǵys Qazaqstan oblysynda túngi saǵattarda óńirdiń batysynda, soltústigi men shyǵysynda qar jaýyp, boran soǵady. Kei jerlerde kóktaiǵaq túziledi. Sonymen qatar batysynda, ońtústigi men ortalyǵynda tuman túsedi. Jeldiń kúsheiýi 15–20, kei jerlerde 23 m/s deiin jetedi.
Abai oblysynda túnde soltústik pen ortalyqta qarly boran men kóktaiǵaq kútiledi. Ońtústik jáne shyǵys aimaqtarda – tuman. Jel ońtústik jáne ońtústik-batystan soǵyp, kei óńirlerde ekpini 25 m/s-qa deiin kúsheiedi.
Qostanai oblysynda tańerteń jáne kúndiz batys, soltústik jáne shyǵys bólikterde kóktaiǵaq bolyp, tuman túsýi yqtimal.
Qaraǵandy oblysynda túngi jáne tańǵy ýaqytta soltústik, shyǵys jáne ońtústik aýdandardy tuman basady.
Pavlodar oblysynda da 26 qarashada batys, soltústik jáne shyǵys óńirlerinde tuman boljanady. Jeldiń ekpini 15–20 m/s.
Qyzylorda oblysynyń ortalyǵynda tuman kútiledi.
Mańǵystaý oblysynda soltústik, ońtústik jáne ortalyq aýmaqtarda tuman túsedi.
Jetisý oblysynda jel shyǵystan soǵyp, Alakól mańynda onyń jyldamdyǵy 23–28 m/s-qa deiin jetedi.
Batys Qazaqstan oblysynda batys, soltústik jáne shyǵysta týman túsedi.
Aqmola oblysynda da osy kúni batys, soltústik jáne shyǵys bólikterde tuman kútiledi. Túnde jáne tańerteń jeldiń ekpini 15–20 m/s deiin kúsheiedi.
Astanada 26 qarashada túngi jáne tańǵy ýaqytta jel 15–20 m/s jyldamdyqqa deiin údeidi.
Soltústik Qazaqstan oblysynda batys, soltústik jáne shyǵys óńirlerde jańbyr men qar aralas jaýyn jaýyp, kóktaiǵaq paida bolady, boran soǵady. Batysynda jáne soltústiginde tuman kútiledi. Jel 15–20 m/s, kei jerlerde 23 m/s deiin jetedi.
Jambyl oblysynda 26–28 qarasha aralyǵynda kei ýaqytta tuman túsip, taýly aýdandarda jeldiń ekpini 15–20 m/s bolady.
