Búgin Qyzylordada «Birligi bekem Syr eli» atty oblystyq Qazaqstan halqy Assambleiasynyń respýblikalyq forýmy ótti, dep habarlaidy Dalanews.kz.
Oǵan oblys ákiminiń orynbasary Meirambek Shermaǵanbet, Qazaqstan halqy Assambleiasynyń múshesi, «Adal azamat» jobasynyń jetekshisi – ambasadory, Qaraǵandy oblystyq aqsaqaldar keńesiniń tóraǵasy Bekzat Altynbekov jáne Jambyl oblystyq «Qoǵamdyq kelisim» mekemesiniń direktory Múbarak Jinaqbaeva arnaiy qatysty.
Aimaq basshysynyń orynbasary ataýly jylda atqarylǵan jumystarǵa toqtalyp, forýmǵa qatysýshylarǵa sáttilik tiledi.
«Memleket basshysy Qazaqstan halqy Assambleiasynyń otyz tórtinshi sessiiasynda sóilegen sózinde: «Byltyr elimizdiń rýhani jáne tarihi-mádeni ordasy Túrkistanda jańa Dostyq úii ashyldy. Dostyq úileri taǵy birneshe qala men aýdan ortalyǵynda ashylady dep josparlanýda. Men bul bastamany qoldaimyn. Biz qoǵamdyq kelisim infraqurylymyn birtindep keńeite berýimiz kerek» - degen bolatyn.
Biylǵy Assambleianyń 30 jyldyǵy aiasynda barshamyz úshin qýanyshty jańalyq - Qyzylorda qalasynda jańadan «Dostyq úii» salyndy. Bul – aimaǵymyzdyń birligi men yntymaǵyn nyǵaitýǵa atsalysyp kele jatqan etnomádeni birlestikter men barsha Assambleia belsendileriniń qajettilikterin qamtamasyz etetin zamanýi ǵimarat bolady», - dedi Meirambek Zinabdinuly.
Forýmda Bekzat Qomaruly, Múbárák Qasymqyzy, Qazaqstan halqy Assambleiasy tóraǵasynyń qoǵamdyq negizdegi orynbasary Dilfýra Bakishqyzy sóz sóilep, pikir bildirdi.
Aimaqta Qazaqstan halqy Assambleiasynyń 30 jyldyǵy men 1 naýryz – Alǵys aitý kúnine arnalǵan merekelik is-sharadan bastaý alǵan mereili jyl aiasynda aýqymdy jumys atqaryldy. Sáýir aiynda elimizdiń barlyq óńirinen kelgen Assambleia jastarynyń basyn qosqan «Syr eli – dostyq mekeni» forýmy uiymdastyrylyp, qatysýshylar Baiqońyr ǵarysh ailaǵyna bardy. Onda Assambleia jastarynyń Týy ǵarysh kemesiniń bortyna tabystalyp, qonaqtar zymyran ushyrylymyn tamashalady.
Memleket basshysynyń Jarlyǵyna sáikes Qazaqstan halqy Assambleiasynyń 30 jyldyǵyna arnalǵan merekelik medaldar óńirdegi belsendi Assambleia múshelerine saltanatty túrde tabystaldy.
Sonymen qatar, oblystaǵy etnomádeni birlestikterdiń onkúndikteri ótkizilip, aýdan ortalyqtaryna «Dostyq» kósh-kerýeni jol tartty. Bul sharalar mereili jyldyń mazmunyn baiytyp, mánin aishyqtai tústi.
