Birjynystylyqty nasihattaý ashyq júrip jatyr – tosqaýyl nege qoiylmaidy?
Sońǵy jyldary elimizdiń bas qalalary Astana men Almatyda feministtik uiymdar sherý men minitingterdi ótkizip júr.
Ákimshilikten ruqsatty áiel quqyǵy, bala quqyǵy, otbasyndaǵy zorlyq-zombylyq taqyrybymen alyp, biraq is júzinde túrli tústi jalaýdy jamylyp, jas jetkinshekterdi jinap, astyrtyn LGBT uiymyn nasihattaidy. Osy taqyryp jóninde sóz qozǵalyp, ziialy qaýym ókilderimen press-konferentsiia ótti.
"Feministtik uiymdardyń jylda 8 naýryzda ótkizetin mitingteriniń kózdegeni ne?" degen ózekti másele kóterildi.
Jiynǵa Marat Toqashbaev, Ámir Máýlenov, Aidos Orazai syndy bilikti jýranlaister men blogerler qatysyp, sóz sóiledi.
– Osy máselemen men 7-8 jyldan beri ainalysyp kele jatyrmyn. Áleýmettik jelide talai maqala jazyp, posttar shyǵaryp júrmin. Munyń bári jas urpaqqa áser etpei qoimaidy. Dúniejúzinde ǵalymdardyń zertteýinshe, tabiǵi aýytqýshylyǵy basym bolyp, áielderde erkektiń, erkekte áieldiń garmondary basym dertke ushyraǵan adamdardyń sany nebári 4-5%-dy quraidy eken. Al qalǵan jaǵdailarda is júzinde zorlyq-zombylyqtyń nátijesi, – deidi jýrnalist, Jazýshylar odaǵynyń múshesi Marat Toqashbaev,
Búkil dúniejúzindegi LGBT qaýymdastyǵynyń ustanyp otyrǵan saiasatynyń eshqandai tarihi mán-mańyzy joq. Bar maqsaty – adam balasyn joiý. Er men áielden jańa urpaq, jańa býyn paida bolady. Al birjynystylardyń áreketinde tán rahatynan basqa eshteńe joq. Dinimizge de qarsy nárse.
