سوڭعى جىلدارى ەلىمىزدىڭ باس قالالارى استانا مەن الماتىدا فەمينيستتىك ۇيىمدار شەرۋ مەن مينيتينگتەردى وتكىزىپ ءجۇر.
اكىمشىلىكتەن رۇقساتتى ايەل قۇقىعى، بالا قۇقىعى، وتباسىنداعى زورلىق-زومبىلىق تاقىرىبىمەن الىپ، ءبىراق ءىس جۇزىندە ءتۇرلى ءتۇستى جالاۋدى جامىلىپ، جاس جەتكىنشەكتەردى جيناپ، استىرتىن لگبت ۇيىمىن ناسيحاتتايدى. وسى تاقىرىپ جونىندە ءسوز قوزعالىپ، زيالى قاۋىم وكىلدەرىمەن پرەسس-كونفەرەنسيا ءوتتى.
"فەمينيستتىك ۇيىمداردىڭ جىلدا 8 ناۋرىزدا وتكىزەتىن ميتينگتەرىنىڭ كوزدەگەنى نە؟" دەگەن وزەكتى ماسەلە كوتەرىلدى.
جيىنعا مارات توقاشبايەۆ، ءامىر ماۋلەنوۆ، ايدوس ورازاي سىندى بىلىكتى جۋرانلايستەر مەن بلوگەرلەر قاتىسىپ، ءسوز سويلەدى.
– وسى ماسەلەمەن مەن 7-8 جىلدان بەرى اينالىسىپ كەلە جاتىرمىن. الەۋمەتتىك جەلىدە تالاي ماقالا جازىپ، پوستتار شىعارىپ ءجۇرمىن. مۇنىڭ ءبارى جاس ۇرپاققا اسەر ەتپەي قويمايدى. دۇنيەجۇزىندە عالىمداردىڭ زەرتتەۋىنشە، تابيعي اۋىتقۋشىلىعى باسىم بولىپ، ايەلدەردە ەركەكتىڭ، ەركەكتە ايەلدىڭ گارموندارى باسىم دەرتكە ۇشىراعان ادامداردىڭ سانى نەبارى 4-5%-دى قۇرايدى ەكەن. ال قالعان جاعدايلاردا ءىس جۇزىندە زورلىق-زومبىلىقتىڭ ناتيجەسى، – دەيدى جۋرناليست، جازۋشىلار وداعىنىڭ مۇشەسى مارات توقاشبايەۆ،
بۇكىل دۇنيەجۇزىندەگى لگبت قاۋىمداستىعىنىڭ ۇستانىپ وتىرعان ساياساتىنىڭ ەشقانداي تاريحي ءمان-ماڭىزى جوق. بار ماقساتى – ادام بالاسىن جويۋ. ەر مەن ايەلدەن جاڭا ۇرپاق، جاڭا بۋىن پايدا بولادى. ال ءبىرجىنىستىلاردىڭ ارەكەتىندە ءتان راحاتىنان باسقا ەشتەڭە جوق. دىنىمىزگە دە قارسى نارسە.
