Sottan shyqqan soń jýrnalist «Eki kúndei uiyqtamadym. 14 saǵat boiy suraqtyń astyna aldy. Týystarymmen bailanysýǵa múmkindik bermedi» dedi.
Ovsiannikova tilshilerdiń basqa suraqtaryna jaýap berýden bas tartty.
Marina Ovsiannikova keshe, 14 naýryzda «Birinshi kanalyndaǵy» «Vremia» efirine soǵysqa qarsy plakat ustap shyǵyp, qarsylyq bildirgen.
Jýrnalist Aleksei Venediktov telegram-kanalynda «Ovsiannikovaǵa aiyppul efirdegi plakaty úshin emes, videomálimdemede Ýkrainaǵa basqynshylyqty soǵys dep atap, oǵan Pýtindi aiyptaǵany úshin salyndy» dep jazdy.
Ovsiannikova 14 naýryzda keshke «Vremia» jańalyqtar baǵdarlamasynyń tikelei efiri bolyp jatqanda stýdiiada otyrǵan diktordyń qasyna atyp shyǵyp, «Soǵysty toqtatyńyzdar. Propagandaǵa senbeńizder. Bul jerde sizderdi aldap jatyr» degen plakat ustap turdy.
Ol diktor sóilep jatqanda «Soǵysty toqtatyńyzdar! Soǵysqa jol joq!» dep qarsylyq bildirdi. «Birinshi kanal» osy jaitqa bailanysty tekseris bastaǵan, al Ovsiannikovanyń ustalyp, ústinen ákimshilik is qozǵalǵan degen habar shyqty.
Ýkraina prezidenti Vladimir Zelenskii óz úndeýinde Marina Ovsiannikovaǵa «shyndyqty jetkizýge talpynǵan» áreketi úshin alǵys aitqan.
