سوتتان شىققان سوڭ جۋرناليست «ەكٸ كٷندەي ۇيىقتامادىم. 14 ساعات بويى سۇراقتىڭ استىنا الدى. تۋىستارىممەن بايلانىسۋعا مٷمكٸندٸك بەرمەدٸ» دەدٸ.
وۆسياننيكوۆا تٸلشٸلەردٸڭ باسقا سۇراقتارىنا جاۋاپ بەرۋدەن باس تارتتى.
مارينا وۆسياننيكوۆا كەشە, 14 ناۋرىزدا «بٸرٸنشٸ كانالىنداعى» «ۆرەميا» ەفيرٸنە سوعىسقا قارسى پلاكات ۇستاپ شىعىپ, قارسىلىق بٸلدٸرگەن.
جۋرناليست الەكسەي ۆەنەديكتوۆ تەلەگرام-كانالىندا «وۆسياننيكوۆاعا ايىپپۇل ەفيردەگٸ پلاكاتى ٷشٸن ەمەس, ۆيدەومەلٸمدەمەدە ۋكرايناعا باسقىنشىلىقتى سوعىس دەپ اتاپ, وعان پۋتيندٸ ايىپتاعانى ٷشٸن سالىندى» دەپ جازدى.
وۆسياننيكوۆا 14 ناۋرىزدا كەشكە «ۆرەميا» جاڭالىقتار باعدارلاماسىنىڭ تٸكەلەي ەفيرٸ بولىپ جاتقاندا ستۋدييادا وتىرعان ديكتوردىڭ قاسىنا اتىپ شىعىپ, «سوعىستى توقتاتىڭىزدار. پروپاگانداعا سەنبەڭٸزدەر. بۇل جەردە سٸزدەردٸ الداپ جاتىر» دەگەن پلاكات ۇستاپ تۇردى.
ول ديكتور سٶيلەپ جاتقاندا «سوعىستى توقتاتىڭىزدار! سوعىسقا جول جوق!» دەپ قارسىلىق بٸلدٸردٸ. «بٸرٸنشٸ كانال» وسى جايتقا بايلانىستى تەكسەرٸس باستاعان, ال وۆسياننيكوۆانىڭ ۇستالىپ, ٷستٸنەن ەكٸمشٸلٸك ٸس قوزعالعان دەگەن حابار شىقتى.
ۋكراينا پرەزيدەنتٸ ۆلاديمير زەلەنسكيي ٶز ٷندەۋٸندە مارينا وۆسياننيكوۆاعا «شىندىقتى جەتكٸزۋگە تالپىنعان» ەرەكەتٸ ٷشٸن العىس ايتقان.
