26 jastaǵy qazaqstandyq Asem esimdi qyz 6 naýryz kúni Vetnamnyń Hoshimin qalasynda bailanysqa shyǵýyn toqtatqan. Bul týraly qyzdyń ápkesi áleýmettik jelide jazba jariialap, kómek surady, dep habarlaidy Dalanews.kz
Týystarynyń aitýynsha, Asem sol kúni Hanoi qalasyna ushyp baryp, Qazaqstan konsýlymen kezdesýdi josparlaǵan. Alaida áýejaiǵa shamamen 20 shaqyrym qalǵanda ol bailanysqa shyqpai qalǵan.
Jaqyndarynyń sózinshe, joǵalar aldynda qyz qatty qorqyp júrgenin jáne ózin bireýler ańdyp júrgenin aitqan.
Qazirgi ýaqytta Asemniń otbasy Vetnamda nemese kórshiles elderde júrgen azamattardan kómek surap otyr. Sondai-aq olar týristik jáne jergilikti WhatsApp, Telegram toptarda aqparat taratýǵa shaqyrdy.
«Eger Vetnamda turatyn tanystaryńyz nemese týystaryńyz bolsa, bizben habarlasýlaryńyzdy suraimyz. Múmkindik bolsa, politsiia men aýrýhanalarǵa da habarlasyp kórýge kómektesińizder», – dedi joǵalǵan qyzdyń ápkesi.
Qyzdyń týystary ony izdestirýge qatysty kez kelgen aqparat mańyzdy ekenin eskertti.
