Úkimet otyrysynda aldaǵy vegetatsiialyq kezeńde elimizdiń ońtústik aimaqtaryn sýmen qamtamasyz etý máselesi qaraldy, dep habarlaidy Dalanews.kz.
Premer-ministr basty mindet sýdy kóp qajet etetin daqyldardyń úlesin qysqartý jáne sý únemdeý tehnologiialaryn engizý ekenin atap ótti.
"Sý resýrstary ministrligi bekitilgen shekten tys sý berýdiń aldyn alsyn. Bul - ózekti másele, men qaitalap aitamyn. Aýyl sharýashylyǵy ministrligi egis alqaptaryn ártaraptandyrý jóninde tiisti keste bekitti, aldaǵy ýaqytta barlyq jumys osy kestege sáikes júrgizilýge tiis. Mysaly, bir sharýashylyqta 100 gektar bolýy kerek desek, erteń 1 gektardan artyq egilse, oǵan bir tamshy sý bermeimiz. Erteń Aýyl sharýashylyǵy ministrligi bekitken kórsetkishterdi buzyp, diqandar shyǵynǵa ushyrasa, bir tiyny da biýdjetten ótelmeidi. Muny halyqqa ashyq jetkizý kerek", - dedi Oljas Bektenov.Aldaǵy vegetatsiialyq kezeńde ońtústik óńirlerde sýarmaly sýdyń tapshylyǵy 1 mlrd tekshe metrge jetýi múmkin. Bul týraly Úkimet otyrysynda premer-ministrdiń orynbasary Qanat Bozymbaev baiandady.
