Básekelestikti qorǵaý jáne damytý agenttigi Ulttyq saraptama jáne sertifikattaý ortalyǵynyń birdei qyzmetterge ártúrli baǵa qoldanǵanyn anyqtady, dep habarlaidy dalanews.kz.
Agenttiktiń málimetinshe, Astana qalasy boiynsha departament júrgizgen tekserý barysynda ólsheý quraldaryn tekserý qyzmetterine obektivti sebepsiz ártúrli tarifter qoldanylǵany belgili bolǵan.
«Birdei jabdyqty tekserý quny tapsyrys berýshige qarai ózgerip otyrǵan. Al qyzmet baǵasy bekitilgen preiskýrant negizinde emes, ózge tártippen qalyptastyrylǵan», - dep málimdedi vedomstvo.
AZRK málimetinshe, bul áreketterde Kásipkerlik kodekstiń 174-babynyń 2-tarmaqshasynda kózdelgen ústem jaǵdaidy teris paidalaný belgileri anyqtalǵan.
Osyǵan bailanysty departament Ulttyq saraptama jáne sertifikattaý ortalyǵyna básekelestikti qorǵaý salasyndaǵy zańnamany buzý belgileri bar ekeni týraly habarlama joldady.
Qazirgi ýaqytta atalǵan habarlama oryndalǵan. Ortalyqta birdei qyzmetterge ártúrli baǵa qoldanýdy boldyrmaý boiynsha tiisti sharalar qabyldanǵan.
