"Jyl basynan beri 3 mıllıonǵa jýyq reseılik keldi, shamamen osynshama adam elden shyqty. İshinara jumyldyrý jarıalanǵan keıin elimizge 837 myń adam kelip, 780 myńy shyqty.
Búginde elimizde 298 myń reseılik bolsa, onyń 30 myńy kelisimshartqa sáıkes jumys isteıdi, eńbek bırjasynda HR-da tirkelgen. Tıisinshe, olardyń ýaqytsha turǵylyqty jeri boıynsha tirkeýi bar", – dedi eńbek jáne halyqty áleýmettik qorǵaý mınıstrligi kóshi-qon komıteti tóraǵasynyń mindetin atqarýshy Ilás Ispanov.
Onyń aıtýynsha, Qazaqstanda Reseıden kelgen 20 myń stýdent bar.
"Sonymen qatar bizge kelip, tranzıtpen ushyp ketetinder de bar. 21 qyrkúıekten bastap 198 myń reseılikter elimizdi tranzıt el retinde paıdalanyp, ózderi josparlaǵan elge ketip qaldy", – dedi Ispanov.
