Respublica partiiasynyń jetekshisi Aidarbek Hodjanazarov Shymkent ákiminiń orynbasary Rýslan Berdenovke jasalǵan shabýylǵa qatysty pikir bildirdi. Ol aitylyp jatqan nusqalardyń eshqaisyna senbeitinin málimdedi,- dep habarlaidy Dalanews.kz.
"Meniń oiymsha, munda saiasi negiz joq. Bul - jeke másele. Eshqandai nusqaǵa senbeimin. Meniń oiymsha, bul - turmystyq qylmys. Ol ázirge kýálik bere almaidy", - dedi Hodjanazarov.
Sondai-aq, Berdenovtiń qazirgi jaǵdaiy týraly aitty.
"Bir ólimnen aman qalyp otyr. Meniń oiymsha, soǵan shúkir deý kerek. Sebebi Rýslan Berdenov siiaqty azamat - myńnan bir. Rýslan myrzany sipattaityn bir dúnieni aityp bereiin. Keshe ǵana narkozdan shyqqan adam bala-shaǵasyn izdeidi, ol "jumysqa barý kerek" degen áńgime aityp jatyr", - dedi ol.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Politsiia málimetinshe, kúdikti ustalyp, ýaqytsha ustaý izoliatoryna qamalǵan, bul derek boiynsha qylmystyq is qozǵalǵan.
Al Densaýlyq saqtaý ministrligi málimetinshe, Rýslan Berdenovke operatsiia jasalǵan, ómirine qaýip joq.
"Shymkent qalasy ákiminiń orynbasary oq jaraqatymen qalalyq aýrýhanaǵa tústi. Oǵan shuǵyl operatsiia jasaldy. Operatsiia barysynda qan ketý toqtatyldy, zaqym qalpyna keltirildi. Ómirine qaýip joq", - dep jazylǵan habarlamada.
Málimetke súiensek, onyń jaǵdaiy turaqty aýyr dep baǵalanady. Sheneýnik dárigerlerdiń turaqty baqylaýynda jáne qajet meditsinalyq kómekti alyp jatyr.
