Respublica پارتياسىنىڭ جەتەكشىسى ايداربەك حودجانازاروۆ شىمكەنت اكىمىنىڭ ورىنباسارى رۋسلان بەردەنوۆكە جاسالعان شابۋىلعا قاتىستى پىكىر ءبىلدىردى. ول ايتىلىپ جاتقان نۇسقالاردىڭ ەشقايسىنا سەنبەيتىنىن مالىمدەدى،- دەپ حابارلايدى Dalanews.kz.

"مەنىڭ ويىمشا، مۇندا ساياسي نەگىز جوق. بۇل - جەكە ماسەلە. ەشقانداي نۇسقاعا سەنبەيمىن. مەنىڭ ويىمشا، بۇل - تۇرمىستىق قىلمىس. ول ازىرگە كۋالىك بەرە المايدى"، - دەدى حودجانازاروۆ.

سونداي-اق، بەردەنوۆتىڭ قازىرگى جاعدايى تۋرالى ايتتى.

"ءبىر ولىمنەن امان قالىپ وتىر. مەنىڭ ويىمشا، سوعان شۇكىر دەۋ كەرەك. سەبەبى رۋسلان بەردەنوۆ سياقتى ازامات - مىڭنان ءبىر. رۋسلان مىرزانى سيپاتتايتىن ءبىر دۇنيەنى ايتىپ بەرەيىن. كەشە عانا ناركوزدان شىققان ادام بالا-شاعاسىن ىزدەيدى، ول "جۇمىسقا بارۋ كەرەك" دەگەن اڭگىمە ايتىپ جاتىر"، - دەدى ول.

اكىمدىك ماڭىنداعى اتىس تۋرالى

21 ساۋىردە شىمكەنت قالاسى اكىمدىگى عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. پوليسيا مالىمەتىنشە، كۇدىكتى ۇستالىپ، ۋاقىتشا ۇستاۋ يزولياتورىنا قامالعان، بۇل دەرەك بويىنشا قىلمىستىق ءىس قوزعالعان.

ال دەنساۋلىق ساقتاۋ مينيسترلىگى مالىمەتىنشە، رۋسلان بەردەنوۆكە وپەراسيا جاسالعان، ومىرىنە ءقاۋىپ جوق.

"شىمكەنت قالاسى اكىمىنىڭ ورىنباسارى وق جاراقاتىمەن قالالىق اۋرۋحاناعا ءتۇستى. وعان شۇعىل وپەراسيا جاسالدى. وپەراسيا بارىسىندا قان كەتۋ توقتاتىلدى، زاقىم قالپىنا كەلتىرىلدى. ومىرىنە ءقاۋىپ جوق"، - دەپ جازىلعان حابارلامادا.

مالىمەتكە سۇيەنسەك، ونىڭ جاعدايى تۇراقتى اۋىر دەپ باعالانادى. شەنەۋنىك دارىگەرلەردىڭ تۇراقتى باقىلاۋىندا جانە قاجەت مەديسينالىق كومەكتى الىپ جاتىر.