Qyzmetkerler jol erejeleri týraly teorıalyq emtıhan tapsyrmaǵan azamattarǵa synaqtan sátti ótkeni týraly blankilerdi satyp kelgen.
Olardyń ornyna emtıhandy arnaıy daıyndalǵan jalǵan tulǵalar tapsyrǵan.
Máselen, Aqmola oblysynda emtıhan qashyqtan uıymdastyrylsa, Qostanaı oblysynda betperde men kepke kıgen jalǵan tulǵalar testi emtıhan synybynda otyryp tapsyrǵan.
Jemqorlyqqa qarsy agenttiktiń málimetinshe, tergeý barysynda myńnan asa júrgizýshi kýáligin zańsyz berý faktileri tekserilip jatyr. Jol qozǵalysy erejeleri týraly teorıalyq emtıhandy sátti tapsyrǵany jaıly jalǵan emtıhan anyqtamalary tárkilendi.
"Mundaı qylmys adamdardyń ómiri men densaýlyǵyna, múlkine tikeleı qaýip tóndiredi", - dep eskertti agenttik.
Mysaly, Qostanaıda M. esimdi azamat jol erejesin óreskel buzyp, Toyota Samry kóligimen soqtyǵysqan. Jol apaty saldarynan avtokólikterge qatty zaqym keldi. Tergeý nusqasy boıynsha M. esimdi azamat teorıalyq jáne praktıkalyq emtıhandardy tapsyrmaı júrgizýshi kýáligin alǵan.
"Aýqymdy zańbuzýshylyqtardyń anyqtalýyna baılanysty eldegi barlyq mamandandyrylǵan halyqqa qyzmet kórsetý ortalyǵynda tekseris júrgiziledi", - dedi agenttiktegiler.
