QR Bilim jáne ǵylym ministrliginiń ókilderi Qazaqstanda qazaq-túrik litseileriniń jumysy jalǵasatynyn málimdedi.
"QR BǴM elimizdegi QTL qyzmetine qatysty óziniń resmi ustanymyn jetkizedi: bul bilim berý mekemeleri (Qazaqstanda 27 memlekettik qazaq-túrik litseii bar) buryn qalai jumys istese, aldaǵy ýaqytta týra solai jumys isteidi, oqýshylar men ata-analarǵa basqa mektep izdeýge týra keledi dep saqtanýǵa sebep joq", - dep málimdedi ministrlik ókilderi.
Ministrliktiń málimetinshe, QTL-derdiń Túrkiiaǵa qatysy joq, bilim berý saiasatyn qazaqstandyq jáne halyqaralyq standarttardyń negizinde qurady. QTL qyzmetin retteitin "KATEV" halyqaralyq qoǵamdyq qory Qazaqstan men Túrkiianyń arasynda bilim berý salasynda ekijaqty kelisim negizinde N.Á.Nazarbaev pen T.Ozaldyń qoldaýymen qurylǵan edi. QTL jumys istegen ýaqyttan beri oqýshylardyń oqý úlgeriminiń joǵary ekenin kórsetip, eldegi bilim berý mekemeleriniń ishinde abyroilysy ekenin dáleldedi. Sońǵy jyldardyń ishinde QTL-de oqityndar 5327 medal jeńip aldy, onyń ishinde 986-syn Braziliia, AQSh, Resei, Ońtústik Koreia, Qytai, Rýmyniia, Kanada, Grekiia, Germaniia, Japoniia elderinde ótken Halyqaralyq olimpiadalarda aldy. QTL-da 1124 oqytýshy jumys isteidi, olardyń 1030-y Qazaqstan azamaty (91,7 paiyzy), 94-i Túrkiia azamaty (8,3 paiyzy).
Munymen qatar, ministrlik ókilderiniń aitýynsha, QTL - qazaq tilinde oqityn daryndy balalarǵa arnalǵan oblystyq litsei-internaty. "Biyl QTL-dy 1634 túlek támamdady. Olardyń UBT-daǵy ortasha bally - 102,3. UBT-2016 qorytyndysy boiynsha barlyq QTL "Respýblikanyń úzdik 100 mektebi" tizimine kirdi. QTL-da tárbie jumysy Qazaqstan Respýblikasynyń úzdiksiz bilim berý tárbiesiniń kontseptsiiasymen sáikes, "Máńgilik el" jalpyulttyq ideiasymen, Prezidenttiń "Qazaqstan-2050" Strategiiasy qalyptasqan memlekettiń jańa saiasi baǵyty", "Qazaqstandyq jol-2050: bir maqsat, bir múdde, bir keleshek" Joldaýlarymen sáikes júzege asyrylady". Qazaq-túrik litseileriniń otandyq bilim berý salasynda óz orny bar jáne olardyń qyzmetin ózge elderdiń saiasi jaǵdaiynyń kontekstinde bailanystyrýdyń qajeti joq. Eshkim syrttan olarǵa qysym kórsetýge quqyly emes - olar Qazaqstannyń mektepteri jáne Qazaqstannyń azamattary", - delingen málimdemede.
"Biz resmi túrde málimdeimiz, QTL-dyń, "KATEV" qorynyń ózge eldiń úkimetterimen, uiymdarymen jáne jeke tulǵalarymen bailanysy joq", - dem málimdedi "KATEV" qorynyń ókilderi.
Eske salaiyq, osyǵan deiin Túrkiianyń Astanadaǵy ókiletti elshisi Nevziat Ýianyk qazaq-túrik litseileriniń jáne joǵary oqý oryndarynyń Túrkiia úkimetine esh qatysy joq ekenin aityp, tóńkeris áreketi bolǵannan keiin Túrkiianyń barlyq dostastyq elderinen qoldaý kútetinin málimdegen edi. Ol dostastyq elderge qarata sóz aitqan edi. "Tóńkeris áreketi elimizdiń demokratiialyq tireýine baǵyttaldy, ol bizdiń úkimetti qulatýǵa baǵyttaldy, al bir tusynan bul áreket basqa elderge de eskertý. Organdar qajetti sharalardy júrgizýdi bastaidy dep senemin. Biz Qazaqstan Respýblikasymen tyǵyz bailanystamyz, áriptestiktemiz. Bul Túrkiia múddesi ǵana emes, bul máseleler Qazaqstan Respýblikasynyń múddesine de qatysty", - degen edi elshi.
