ق ر ءبىلىم جانە عىلىم مينيسترلىگىنىڭ وكىلدەرى قازاقستاندا قازاق-تۇرىك ليسەيلەرىنىڭ جۇمىسى جالعاساتىنىن مالىمدەدى.
"ق ر بعم ەلىمىزدەگى قتل قىزمەتىنە قاتىستى ءوزىنىڭ رەسمي ۇستانىمىن جەتكىزەدى: بۇل ءبىلىم بەرۋ مەكەمەلەرى (قازاقستاندا 27 مەملەكەتتىك قازاق-تۇرىك ليسەيى بار) بۇرىن قالاي جۇمىس ىستەسە، الداعى ۋاقىتتا تۋرا سولاي جۇمىس ىستەيدى، وقۋشىلار مەن اتا-انالارعا باسقا مەكتەپ ىزدەۋگە تۋرا كەلەدى دەپ ساقتانۋعا سەبەپ جوق"، - دەپ مالىمدەدى مينيسترلىك وكىلدەرى.
مينيسترلىكتىڭ مالىمەتىنشە، قتل-دەردىڭ تۇركياعا قاتىسى جوق، ءبىلىم بەرۋ ساياساتىن قازاقستاندىق جانە حالىقارالىق ستاندارتتاردىڭ نەگىزىندە قۇرادى. قتل قىزمەتىن رەتتەيتىن "KATEV" حالىقارالىق قوعامدىق قورى قازاقستان مەن تۇركيانىڭ اراسىندا ءبىلىم بەرۋ سالاسىندا ەكىجاقتى كەلىسىم نەگىزىندە ن.ءا.نازاربايەۆ پەن ت.وزالدىڭ قولداۋىمەن قۇرىلعان ەدى. قتل جۇمىس ىستەگەن ۋاقىتتان بەرى وقۋشىلاردىڭ وقۋ ۇلگەرىمىنىڭ جوعارى ەكەنىن كورسەتىپ، ەلدەگى ءبىلىم بەرۋ مەكەمەلەرىنىڭ ىشىندە ابىرويلىسى ەكەنىن دالەلدەدى. سوڭعى جىلداردىڭ ىشىندە قتل-دە وقيتىندار 5327 مەدال جەڭىپ الدى، ونىڭ ىشىندە 986-سىن برازيليا، اقش، رەسەي، وڭتۇستىك كورەيا، جۇڭگو، رۋمىنيا، كانادا، گرەكيا، گەرمانيا، جاپونيا ەلدەرىندە وتكەن حالىقارالىق وليمپيادالاردا الدى. قتل-دا 1124 وقىتۋشى جۇمىس ىستەيدى، ولاردىڭ 1030-ى قازاقستان ازاماتى (91،7 پايىزى)، 94ء-ى تۇركيا ازاماتى (8،3 پايىزى).
مۇنىمەن قاتار، مينيسترلىك وكىلدەرىنىڭ ايتۋىنشا، قتل - قازاق تىلىندە وقيتىن دارىندى بالالارعا ارنالعان وبلىستىق ليسەي-ينتەرناتى. "بيىل قتل-دى 1634 تۇلەك ءتامامدادى. ولاردىڭ ۇبت-داعى ورتاشا باللى - 102،3. ۇبت-2016 قورىتىندىسى بويىنشا بارلىق قتل "رەسپۋبليكانىڭ ۇزدىك 100 مەكتەبى" تىزىمىنە كىردى. قتل-دا تاربيە جۇمىسى قازاقستان رەسپۋبليكاسىنىڭ ۇزدىكسىز ءبىلىم بەرۋ تاربيەسىنىڭ كونسەپسياسىمەن سايكەس، "ماڭگىلىك ەل" جالپىۇلتتىق يدەياسىمەن، پرەزيدەنتتىڭ "قازاقستان-2050" ستراتەگياسى قالىپتاسقان مەملەكەتتىڭ جاڭا ساياسي باعىتى"، "قازاقستاندىق جول-2050: ءبىر ماقسات، ءبىر مۇددە، ءبىر كەلەشەك" جولداۋلارىمەن سايكەس جۇزەگە اسىرىلادى". قازاق-تۇرىك ليسەيلەرىنىڭ وتاندىق ءبىلىم بەرۋ سالاسىندا ءوز ورنى بار جانە ولاردىڭ قىزمەتىن وزگە ەلدەردىڭ ساياسي جاعدايىنىڭ كونتەكستىندە بايلانىستىرۋدىڭ قاجەتى جوق. ەشكىم سىرتتان ولارعا قىسىم كورسەتۋگە قۇقىلى ەمەس - ولار قازاقستاننىڭ مەكتەپتەرى جانە قازاقستاننىڭ ازاماتتارى"، - دەلىنگەن مالىمدەمەدە.
"ءبىز رەسمي تۇردە مالىمدەيمىز، قتل-دىڭ، "KATEV" قورىنىڭ وزگە ەلدىڭ ۇكىمەتتەرىمەن، ۇيىمدارىمەن جانە جەكە تۇلعالارىمەن بايلانىسى جوق"، - دەم مالىمدەدى "KATEV" قورىنىڭ وكىلدەرى.
ەسكە سالايىق، وسىعان دەيىن تۇركيانىڭ استاناداعى وكىلەتتى ەلشىسى نيەۆزيات ۋيانىك قازاق-تۇرىك ليسەيلەرىنىڭ جانە جوعارى وقۋ ورىندارىنىڭ تۇركيا ۇكىمەتىنە ەش قاتىسى جوق ەكەنىن ايتىپ، توڭكەرىس ارەكەتى بولعاننان كەيىن تۇركيانىڭ بارلىق دوستاستىق ەلدەرىنەن قولداۋ كۇتەتىنىن مالىمدەگەن ەدى. ول دوستاستىق ەلدەرگە قاراتا ءسوز ايتقان ەدى. "توڭكەرىس ارەكەتى ەلىمىزدىڭ دەموكراتيالىق تىرەۋىنە باعىتتالدى، ول ءبىزدىڭ ۇكىمەتتى قۇلاتۋعا باعىتتالدى، ال ءبىر تۇسىنان بۇل ارەكەت باسقا ەلدەرگە دە ەسكەرتۋ. ورگاندار قاجەتتى شارالاردى جۇرگىزۋدى باستايدى دەپ سەنەمىن. ءبىز قازاقستان رەسپۋبليكاسىمەن تىعىز بايلانىستامىز، ارىپتەستىكتەمىز. بۇل تۇركيا مۇددەسى عانا ەمەس، بۇل ماسەلەلەر قازاقستان رەسپۋبليكاسىنىڭ مۇددەسىنە دە قاتىستى"، - دەگەن ەدى ەلشى.
