Bilim jáne ǵylym ministrliginiń ókilderi ortalyq kommýnikatsiialar qyzmetine kelip, resmi málimdeme jasady. Olar sońǵy kúnderi aqparat quraldary men áleýmettik jelilerde joǵary oqý oryndarynda birqatar mamandyqtar oqytylmaityn boldy degen aqparattardyń jalǵan ekenin alǵa tartyp otyr.
Bul týraly Sputnik Qazaqstan habarlaidy.
Aita ketsek, ótken aptada bilim ministrliginiń ainalasynda shý shyqty. Naqtyraq aitqanda, ministrlik joǵarǵy jáne joǵarǵydan keiingi bilim berý mamandyqtarynyń jańa klassifikatoryn engizdi degen áńgime tarady. Jańa tizbede “Qazaq tili”, “Qazaq ədebieti”, “Qazaqstan tarihy”, “Lingvistika”, “Shyǵystaný” siiaqty mamandyqtar joq bolyp shyqty. Muny ult múddesine qarsy jasalǵan is dep, narazylyq bildirgen elimizdiń bir top ǵalymy úkimet basshysy Baqytjan Saǵyntaev, prezident ákimshiligi jetekshisiniń orynbasary Marat Tájin men memlekettik hatshy Gúlshara Ábdiqalyqovanyń atyna hat joldaǵan. Bul ashyq hat keiin birqatar aqparat quraldarynda jariialandy.
“Meniń oiymsha qol qoiǵan kezde ol akademikterge de belgili aqparatty durys jetkizbegen shyǵar. Sondyqtan, ókinishke qarai, ol kisiler bilmei qol qoiǵan. Al, ashyq hattyń ishindegi sabaqtar joiyldy, Qazaqstandaǵy mamandyqtardyń arasynan qazaq tili alynyp tastaldy degen aqparat shyndyqqa janaspaidy”, — dep jaýap berdi búgin tilshilerdiń suraǵyna joǵary jəne joǵary oqýdan keiingi bilim departamentiniń direktory Darhan Ahmed-Záki.
Onyń atap ótýinshe, 2009 jyly qabyldanǵan mamandyqtar tizbesi ózgergen joq.
“Qazir Qazaqstanda jalǵyz zańdy túrde bekitilgen qujat bar. Ol — joǵarǵy oqý jəne joǵarǵy oqýdan keiingi jikteýish. Osy qujat 2009 jyly bekitilgen, sodan beri ózgergen joq. Osy mamandyqtarǵa bailanysty keiin memlekettik granttar bólinedi, al qazir qazaq tili jəne ədebieti pəni boiynsha jeti myńnan asa maman oqyp jatyr. Onyń ishinde eki myńnan astamy grantta. Jalpy, biyl da, keleshekte de ol baǵytta ózgerister bolady dep kózdep otyrǵan joqpyz”, — dedi ol.
