"Bul másele biraz adamdy mazalap júr. Pedagogterdiń kóbisi attestasıany alyp tastaýdy usynyp otyr. Sol sıaqty oqýshylardan baǵa qoıýdy alyp tastaıyq pa dep surasaq, olar da qoldaıtyn edi. Jazǵy demalysyn taǵy úsh aıǵa uzartaıyq dep, bastama kótersek, bálkim, qýana-qýana kelisetin shyǵar", - dedi Aımaǵambetov jýrnalıserge bergen suhbatynda.
Mınıstrdiń aıtýynsha, muǵalimder men oqýshylarǵa yńǵaıly jaǵdaı jasaǵannan buryn bilim sapasyna basymdyq berý kerek.
"Biz úshin negizgi maqsat - balalarǵa sapaly bilim berý. Balalarda mektepke jáne bilim alýǵa degen qulshynys bolýy qajet. Ol úshin muǵalimderge qatysty talaptar, shynymen de, joǵary bolsyn desek, onda narazylyqqa qaramastan, osy baǵyttaǵy jumysty atqarýymyz kerek.
Men attestasıany alyp tastaımyz desem, barlyǵy qýanatyn edi. Mınıstrden jaqsy adam bolmaıtyn edi.
Biraq bizdiń negizgi jumysymyz ol emes. Balalarǵa sapaly bilim berý kerek. Ne istesek te, sony basshylyqqa alamyz", - dep atap kórsetti Aımaǵambetov.
Mınıstr keıbir joǵary oqý oryndaryn jabý sharalaryn da mysalǵa keltirdi. Osy máselege qatysty narazylyq bar. Biraq ondaı shara bilim sapasy úshin kerek.
Aıta keteri, jaqynda tarıh pániniń muǵalimi biliktilik testin tapsyrý kezinde qaıtys boldy. Osydan keıin muǵalimderdi narazylyǵy kúsheıip ketti. Barlyǵy attestasıany alyp tastaýdy talap etti.
Derekkóz: Spýtnık
