"بۇل ماسەلە ءبىراز ادامدى مازالاپ ءجۇر. پەداگوگتەردىڭ كوبىسى اتتەستاسيانى الىپ تاستاۋدى ۇسىنىپ وتىر. سول سياقتى وقۋشىلاردان باعا قويۋدى الىپ تاستايىق پا دەپ سۇراساق، ولار دا قولدايتىن ەدى. جازعى دەمالىسىن تاعى ءۇش ايعا ۇزارتايىق دەپ، باستاما كوتەرسەك، بالكىم، قۋانا-قۋانا كەلىسەتىن شىعار"، - دەدى ايماعامبەتوۆ جۋرناليستەرگە بەرگەن سۇحباتىندا.
ءمينيستردىڭ ايتۋىنشا، مۇعالىمدەر مەن وقۋشىلارعا ىڭعايلى جاعداي جاساعاننان بۇرىن ءبىلىم ساپاسىنا باسىمدىق بەرۋ كەرەك.
"ءبىز ءۇشىن نەگىزگى ماقسات - بالالارعا ساپالى ءبىلىم بەرۋ. بالالاردا مەكتەپكە جانە ءبىلىم الۋعا دەگەن قۇلشىنىس بولۋى قاجەت. ول ءۇشىن مۇعالىمدەرگە قاتىستى تالاپتار، شىنىمەن دە، جوعارى بولسىن دەسەك، وندا نارازىلىققا قاراماستان، وسى باعىتتاعى جۇمىستى اتقارۋىمىز كەرەك.
مەن اتتەستاسيانى الىپ تاستايمىز دەسەم، بارلىعى قۋاناتىن ەدى. مينيستردەن جاقسى ادام بولمايتىن ەدى.
ءبىراق ءبىزدىڭ نەگىزگى جۇمىسىمىز ول ەمەس. بالالارعا ساپالى ءبىلىم بەرۋ كەرەك. نە ىستەسەك تە، سونى باسشىلىققا الامىز"، - دەپ اتاپ كورسەتتى ايماعامبەتوۆ.
مينيستر كەيبىر جوعارى وقۋ ورىندارىن جابۋ شارالارىن دا مىسالعا كەلتىردى. وسى ماسەلەگە قاتىستى نارازىلىق بار. ءبىراق ونداي شارا ءبىلىم ساپاسى ءۇشىن كەرەك.
ايتا كەتەرى، جاقىندا تاريح ءپانىنىڭ ءمۇعالىمى بىلىكتىلىك تەستىن تاپسىرۋ كەزىندە قايتىس بولدى. وسىدان كەيىن مۇعالىمدەردى نارازىلىعى كۇشەيىپ كەتتى. بارلىعى اتتەستاسيانى الىپ تاستاۋدى تالاپ ەتتى.
دەرەككوز: سپۋتنيك
