Sybailas jemqorlyqqa qarsy is-qimyl agenttiginiń resmi ókili Daniiar Bigaidarov bilim berý salasyndaǵy júieli sybailas jemqorlyq buzýshylyqtardy anyqtalǵanyn jetkizdi, dep habarlaidy Dalanews.kz.
Onyń sózinshe, ótken jyldan beri 229 qylmystyq is tirkelgen.
"Olar boiynsha shyǵyn 15 milliard teńgeden asty. Urlyqtyń eń kóp somasy Jetisý, Túrkistan, Qyzylorda, Almaty, Aqtóbe oblystary men Almaty qalasynda anyqtaldy. Qylmys jasaýda 317 adam áshkerelendi, onyń ishinde 144 adam sottalyp, túrli jazalaý sharalary qoldanyldy", – dedi Daniiar Bigaidarov.
Sonymen qatar ol Aqtóbe oblysy boiynsha Sybailas jemqorlyqqa qarsy qyzmet Shalqar aýdanynyń bilim bóliminiń basshysyna qatysty qylmystyq isti tergep jatqanyn habarlady.
"Ol aýdandyq jalpy bilim beretin mekteptiń direktory arqyly vedomstvolyq baǵynysty uiymdardyń basshylarynan qyzmettegi jalpy qamqorlyǵy úshin jalpy somasy 18,5 million teńge para aldy dep kúdiktelýde. Sottyń sanktsiiasymen bilim bóliminiń basshysy men aýdandyq mektep direktory qamaýǵa alyndy", - dep tolyqtyrdy vedomstvo ókili.
