Qazaqstandaǵy Daryn.online bilim berý platformasynyń paidalanýshylaryna qatysty aýqymdy derekterdiń taraǵany týraly aqparat paida boldy, dep habarlaidy dalanews.kz.
Darknet forýmdarynyń birinde jariialanǵan málimetke sáikes, belgisiz qoldanýshy 4,2 million jazbadan turatyn derekter bazasy ózinde bar ekenin málimdegen. Onyń aitýynsha, bazada platformanyń oqýshylary, muǵalimderi men ákimshilerine qatysty málimetter bolýy múmkin.
Jariialanǵan sipattamaǵa sáikes, bazada paidalanýshylardyń aty-jóni, telefon nómiri, elektrondyq poshta mekenjaiy, JSN-i, týǵan kúni, jynysy, júiedegi róli, sondai-aq oqý úlgerimi týraly aqparat – baǵalary, reitingteri jáne ótken sabaqtarynyń sany qamtylǵan bolýy yqtimal.
Sonymen qatar tehnikalyq derekterdiń de bolǵany aitylǵan. Atap aitqanda, bcrypt formatynda heshtelgen qupiiasózder, sońǵy paidalanylǵan IP-mekenjailar, paidalanýshylardyń, mektepterdiń jáne óńirlerdiń ishki identifikatorlary kórsetilgen. Eger bul aqparattyń shyn máninde Daryn.online platformasyna qatysy rastalsa, onda áńgime jai ǵana jinalǵan derekter týraly emes, júieniń derekqorynan qurylymdyq túrde kóshirilgen málimetter jóninde bolýy múmkin.
Daryn.online platformasynyń málimetinshe, bul eski aqparat. Ol alǵash ret 2025 jyldyń jeltoqsanynda jariialanǵan. Osydan keiin Daryn.online aqparattyq júieleri ýákiletti memlekettik organdardyń qatysýymen tolyq tekserýden ótti. Tekserý nátijesinde paidalanýshylardyń jeke derekteriniń tarap ketkeni rastalmaǵan.
Kompaniia málimetinshe, qazirgi ýaqytta qaita taralyp jatqan aqparat eski materialdarǵa negizdelgen jáne shyndyqqa sáikes kelmeidi.
