Qazaqstandyq shahmatshy Bibisara Asaýbaeva Norvegiiada ótip jatqan bedeldi Norway Chess týrnirinde merziminen buryn chempion atandy, dep habarlaidy dalanews.kz.
Týrnirdiń sońǵy aldyndaǵy toǵyzynshy týrynda qazaqstandyq sportshy byltyrǵy chempion, ýkrainalyq Anna Mýzychýkpen kezdesti. Bul oiynda Asaýbaeva aq tastarmen oinady.
Tartysty partiia teń nátijemen aiaqtaldy. Alaida bul nátije qazaqstandyq shahmatshyǵa jalpy esepte birinshi oryndy merziminen buryn qamtamasyz etýge jetkilikti boldy. Qazir onyń enshisinde 16,5 upai bar jáne ol qarsylastary úshin qoljetimsiz kórsetkishke jetti. Al ekinshi orynda kele jatqan Anna Mýzychýk 12 upai jinaǵan.
Osylaisha, Bibisara Asaýbaeva tarihta alǵash ret Norway Chess týrniriniń chempiony atandy.
Aita keteiik, buǵan deiin 2026 jyly qazaqstandyq shahmatshy álem chempiondyǵyna úmitkerler týrnirinde ekinshi oryn alǵan edi.
