Qarjy ministrliginiń aýditorlary Rahymbaevtyń kompaniiasyn muqiiat teksergende bes gospitaldi salý kezinde óreskel qarjylyq zań buzýshylyqqa barǵanyn anyqtapty.
Pandemiia kezinde BI Group kompaniiasy elimiz boiynsha kovidke qarsy aýrýhanalardy salǵany belgili. Gospitalderdi salý úshin memleket tarapynan sol kezde 74 mlrd teńge bólingen-di.
Rahymbaevtyń kompaniiasyn Qarjy ministrliginen bólek Esep komiteti de tekserip, BI Group kompaniiasy bilim oshaqtaryn qymbatqa salǵanyn anyqtapty.
Telegarmm kanalǵa kirińiz!
Memleket kovidke qarsy modýldi aýrýhana salýǵa 573 mln teńgege bólgen. Qurylysta isti josparlaý isimen ainalysqan BI Group-tyń enshiles kompaniiasy memleket belgilegen baǵany biraz joǵarlatyp qoiǵany málim boldy.
Aitalyq, 2020 jyly enshiles kompaniia bir modýldiń baǵasyn 14,4 teńge baǵalasa, óndirýshi zaýyttar bir modýldi 2,9 mln teńgeden satqan. Osylaisha BI Group-tyń enshiles kompaniialary bir modýldiń baǵasyn birneshe ese kóterip, qyrýar paida tapqan.
Sońǵy jyldary BI Group kompaniiasy qojaiyny BINOM Schools mektebin salyp, jastardyń bilim alýyna kóńil bólgenin bilemiz. O basta BI Group BINOM Schools mektepterin memleketpen birlesip salǵan bolatyn. Sol kezde bir mekteptiń quny 4,9 mlrd teńgege baǵalanǵan-dy.
Aýditorlardyń tekserisinen keiinnen BI Group kompaniiasy Biýdjet kodeksin buzyp, baǵany ózgertkeni málim boldy. Nátijesinde bir mektepti salý quny 63%-ǵa joǵarlap, 7,9 mlrd teńgeni quraǵan.
Osylaisha BI Group aýrýhana men mektep salýda biýdjet qarjysyna aiamai qol salǵany anyqtaldy.
