قارجى مينيسترلىگىنىڭ اۋديتورلارى راحىمبايەۆتىڭ كومپانياسىن مۇقيات تەكسەرگەندە بەس گوسپيتالدى سالۋ كەزىندە ورەسكەل قارجىلىق زاڭ بۇزۋشىلىققا بارعانىن انىقتاپتى.
پاندەميا كەزىندە BI Group كومپانياسى ەلىمىز بويىنشا كوۆيدكە قارسى اۋرۋحانالاردى سالعانى بەلگىلى. گوسپيتالدەردى سالۋ ءۇشىن مەملەكەت تاراپىنان سول كەزدە 74 ملرد تەڭگە بولىنگەن-دى.
راحىمبايەۆتىڭ كومپانياسىن قارجى مينيسترلىگىنەن بولەك ەسەپ كوميتەتى دە تەكسەرىپ، BI Group كومپانياسى ءبىلىم وشاقتارىن قىمباتقا سالعانىن انىقتاپتى.
تەلەگارمم كانالعا كىرىڭىز!
مەملەكەت كوۆيدكە قارسى ءمودۋلدى اۋرۋحانا سالۋعا 573 ملن تەڭگەگە بولگەن. قۇرىلىستا ءىستى جوسپارلاۋ ىسىمەن اينالىسقان BI Group-تىڭ ەنشىلەس كومپانياسى مەملەكەت بەلگىلەگەن باعانى ءبىراز جوعارلاتىپ قويعانى ءمالىم بولدى.
ايتالىق، 2020 جىلى ەنشىلەس كومپانيا ءبىر ءمودۋلدىڭ باعاسىن 14،4 تەڭگە باعالاسا، ءوندىرۋشى زاۋىتتار ءبىر ءمودۋلدى 2،9 ملن تەڭگەدەن ساتقان. وسىلايشا BI Group-تىڭ ەنشىلەس كومپانيالارى ءبىر ءمودۋلدىڭ باعاسىن بىرنەشە ەسە كوتەرىپ، قىرۋار پايدا تاپقان.
سوڭعى جىلدارى BI Group كومپانياسى قوجايىنى BINOM Schools مەكتەبىن سالىپ، جاستاردىڭ ءبىلىم الۋىنا كوڭىل بولگەنىن بىلەمىز. و باستا BI Group BINOM Schools مەكتەپتەرىن مەملەكەتپەن بىرلەسىپ سالعان بولاتىن. سول كەزدە ءبىر مەكتەپتىڭ قۇنى 4،9 ملرد تەڭگەگە باعالانعان-دى.
اۋديتورلاردىڭ تەكسەرىسىنەن كەيىننەن BI Group كومپانياسى بيۋدجەت كودەكسىن بۇزىپ، باعانى وزگەرتكەنى ءمالىم بولدى. ناتيجەسىندە ءبىر مەكتەپتى سالۋ قۇنى 63%-عا جوعارلاپ، 7،9 ملرد تەڭگەنى قۇراعان.
وسىلايشا BI Group اۋرۋحانا مەن مەكتەپ سالۋدا بيۋدجەت قارجىسىنا اياماي قول سالعانى انىقتالدى.
