BǴM: «Mektep bitirý keshinde asta-tók dastarhan jaiyp, kortdj jaldaýǵa ruqsat joq»
Túlekterdiń metkep bitirýi qalai ótkizýge qatysty Bilim jáne ǵylym ministrliginiń usynystaryn QR BǴM MDOBK tárbie jumysy jáne qosymsha bilim berý basqarmasynyń basshysy Samal Qadyrova aityp berdi.
– Joǵary synyp oqýshylary mektep bitirý keshin asyǵa kútetinin bilemiz. Óitkeni bul ómirdiń jańa kezeńin bildiredi. Sońǵy eki jylda koronavirýs indeti mektep pen ustazdardyń dástúrli qoshtasý keshin ótkizýin toqtatyp tastady. Búgingi tańda epidemiologiialyq jaǵdai mundai keshti ótkizýge múmkindik berip otyr. Biraq keshtiń barlyǵy mindetti túrde mektep qabyrǵasynda ótkizilýi kerek. Mektepterdiń qamqorshylyq keńesteri men bilim basqarmalary túlekterdiń ata-analaryna bul is-sharalarǵa shyǵyndalýdyń tiimsiz ekeni týraly túsindirý jumystaryn júrgizýi qajet. Bul suraq – kún tártibindegi basty máselelerdiń biri, – dedi QR BǴM MDOBK tárbie jumysy jáne qosymsha bilim berý basqarmasynyń basshysy Samal Qadyrova.
Mektep bitirý is-sharalaryna mekteptiń pedagogikalyq ujymy, túlekter, túlekterdiń ata-analary, pedagogikalyq eńbek ardagerleri, Qamqorshylyq keńes músheleri, patronattyq uiymdar, oblystardyń, Nur-Sultan, Almaty jáne Shymkent qalalarynyń bilim basqarmalarynyń, bilim bólimderiniń, múddeli memlekettik organdardyń ókilderi jáne basqalar qatysa alady.
Mektep bitirý keshi bilim berý uiymynyń óz kúshimen uiymdastyrylýy kerek.
Mynadai máselelerge ruqsat etilmeidi:
- animatorlardy, merekelik agenttikterdi, aqyly ártisterdi, merekelik sharalarǵa jeke stýdiialardy tartýǵa;
- merekelik dastarhandardy uiymdastyrýǵa;
- avtokólikterdi jalǵa alyp, qala (aýdan) boiynsha ekskýrsiialar ótkizýge;
- mektep ákimshiligi men muǵalimderge syilyqtar alý úshin qarajat jinaýǵa;
- oiyn-saýyq mekemelerinde bitirý keshterin uiymdastyrýǵa.
Aita keteiik, Qazaqstannyń barlyq mektebinde sońǵy qońyraý merekesi 2022 jylǵy 25 mamyrda ótedi. Attestat saltanatty túrde 2022 jylǵy 16-17 maýsymda tapsyrylady.
