بعم: «مەكتەپ بٸتٸرۋ كەشٸندە استا-تٶك داستارحان جايىپ, كورتدج جالداۋعا رۇقسات جوق»
تٷلەكتەردٸڭ مەتكەپ بٸتٸرۋٸ قالاي ٶتكٸزۋگە قاتىستى بٸلٸم جەنە عىلىم مينيسترلٸگٸنٸڭ ۇسىنىستارىن قر بعم مدوبك تەربيە جۇمىسى جەنە قوسىمشا بٸلٸم بەرۋ باسقارماسىنىڭ باسشىسى سامال قادىروۆا ايتىپ بەردٸ.
– جوعارى سىنىپ وقۋشىلارى مەكتەپ بٸتٸرۋ كەشٸن اسىعا كٷتەتٸنٸن بٸلەمٸز. ٶيتكەنٸ بۇل ٶمٸردٸڭ جاڭا كەزەڭٸن بٸلدٸرەدٸ. سوڭعى ەكٸ جىلدا كوروناۆيرۋس ٸندەتٸ مەكتەپ پەن ۇستازداردىڭ دەستٷرلٸ قوشتاسۋ كەشٸن ٶتكٸزۋٸن توقتاتىپ تاستادى. بٷگٸنگٸ تاڭدا ەپيدەميولوگييالىق جاعداي مۇنداي كەشتٸ ٶتكٸزۋگە مٷمكٸندٸك بەرٸپ وتىر. بٸراق كەشتٸڭ بارلىعى مٸندەتتٸ تٷردە مەكتەپ قابىرعاسىندا ٶتكٸزٸلۋٸ كەرەك. مەكتەپتەردٸڭ قامقورشىلىق كەڭەستەرٸ مەن بٸلٸم باسقارمالارى تٷلەكتەردٸڭ اتا-انالارىنا بۇل ٸس-شارالارعا شىعىندالۋدىڭ تيٸمسٸز ەكەنٸ تۋرالى تٷسٸندٸرۋ جۇمىستارىن جٷرگٸزۋٸ قاجەت. بۇل سۇراق – كٷن تەرتٸبٸندەگٸ باستى مەسەلەلەردٸڭ بٸرٸ, – دەدٸ قر بعم مدوبك تەربيە جۇمىسى جەنە قوسىمشا بٸلٸم بەرۋ باسقارماسىنىڭ باسشىسى سامال قادىروۆا.
مەكتەپ بٸتٸرۋ ٸس-شارالارىنا مەكتەپتٸڭ پەداگوگيكالىق ۇجىمى, تٷلەكتەر, تٷلەكتەردٸڭ اتا-انالارى, پەداگوگيكالىق ەڭبەك ارداگەرلەرٸ, قامقورشىلىق كەڭەس مٷشەلەرٸ, پاتروناتتىق ۇيىمدار, وبلىستاردىڭ, نۇر-سۇلتان, الماتى جەنە شىمكەنت قالالارىنىڭ بٸلٸم باسقارمالارىنىڭ, بٸلٸم بٶلٸمدەرٸنٸڭ, مٷددەلٸ مەملەكەتتٸك ورگانداردىڭ ٶكٸلدەرٸ جەنە باسقالار قاتىسا الادى.
مەكتەپ بٸتٸرۋ كەشٸ بٸلٸم بەرۋ ۇيىمىنىڭ ٶز كٷشٸمەن ۇيىمداستىرىلۋى كەرەك.
مىناداي مەسەلەلەرگە رۇقسات ەتٸلمەيدٸ:
- انيماتورلاردى, مەرەكەلٸك اگەنتتٸكتەردٸ, اقىلى ەرتٸستەردٸ, مەرەكەلٸك شارالارعا جەكە ستۋدييالاردى تارتۋعا;
- مەرەكەلٸك داستارحانداردى ۇيىمداستىرۋعا;
- اۆتوكٶلٸكتەردٸ جالعا الىپ, قالا (اۋدان) بويىنشا ەكسكۋرسييالار ٶتكٸزۋگە;
- مەكتەپ ەكٸمشٸلٸگٸ مەن مۇعالٸمدەرگە سىيلىقتار الۋ ٷشٸن قاراجات جيناۋعا;
- ويىن-ساۋىق مەكەمەلەرٸندە بٸتٸرۋ كەشتەرٸن ۇيىمداستىرۋعا.
ايتا كەتەيٸك, قازاقستاننىڭ بارلىق مەكتەبٸندە سوڭعى قوڭىراۋ مەرەكەسٸ 2022 جىلعى 25 مامىردا ٶتەدٸ. اتتەستات سالتاناتتى تٷردە 2022 جىلعى 16-17 ماۋسىمدا تاپسىرىلادى.
