Medeý aýdanynyń turǵyndarymen kezdesýde Almaty ákimi Erbolat Dosaev osy jyldyń aqpan aiynda "Taý-Samal" shaǵynaýdanyndaǵy Olimpiiskaia kóshesi boiynda jinalǵan sý saldaryn joiý boiynsha qabyldanǵan sharalar týraly aityp berdi, dep habarlaidy Dalanews.kz.
Qala basshysy atap ótkendei, qirandylar men qiraǵan konstrýktsiialardan 1 500 sharshy metr betkei tazartyldy, kólemi 800 tekshe metr temirbeton konstrýktsiialary bólshekteldi, kólemi 220 tekshe metr gabion konstrýktsiialary ornatyldy. Kabeldik tor júiesin ornatý jalǵasýda.
Osy jyldyń qazan aiynda drenajdyq qubyrlar, aryq júiesi jáne qudyqtar ornatylady. Jumys 2024 jyldyń naýryz aiynan bastap júrgizilýde, aiaqtalý merzimi — biylǵy jyldyń qazan aiy. Bul jumysqa 1,5 mlrd teńge bólindi.
Kóshkin syndy qaýipti jaǵdaidyń aldyn alý maqsatynda 2024 jyldyń aqpan aiynda qala ákiminiń tapsyrmasy boiynsha qaýipti ýchaskelerdi zertteý úshin jumys toby quryldy. Medeý aýdany boiynsha 74 ýchaske zertteldi, onyń 10-y turaqty, qosymsha jumystar júrgizýdi talap etpeidi. Táýekel dárejesi joǵary 11 ýchaske boiynsha onyń 5-in nyǵaitý jáne qalǵan 6 ýchaskeni satyp alý jóninde sheshim qabyldanady. 53-i boiynsha josparly rejimde keshendi jumystar júrgiziledi.
