مەدەۋ اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ وسى جىلدىڭ اقپان ايىندا "تاۋ-سامال" شاعىناۋدانىنداعى وليمپييسكايا كوشەسى بويىندا جينالعان سۋ سالدارىن جويۋ بويىنشا قابىلدانعان شارالار تۋرالى ايتىپ بەردى، دەپ حابارلايدى Dalanews.kz.
قالا باسشىسى اتاپ وتكەندەي، قيراندىلار مەن قيراعان كونسترۋكسيالاردان 1 500 شارشى مەتر بەتكەي تازارتىلدى، كولەمى 800 تەكشە مەتر تەمىربەتون كونسترۋكسيالارى بولشەكتەلدى، كولەمى 220 تەكشە مەتر گابيون كونسترۋكسيالارى ورناتىلدى. كابەلدىك تور جۇيەسىن ورناتۋ جالعاسۋدا.
وسى جىلدىڭ قازان ايىندا درەناجدىق قۇبىرلار، ارىق جۇيەسى جانە قۇدىقتار ورناتىلادى. جۇمىس 2024 جىلدىڭ ناۋرىز ايىنان باستاپ جۇرگىزىلۋدە، اياقتالۋ مەرزىمى — بيىلعى جىلدىڭ قازان ايى. بۇل جۇمىسقا 1،5 ملرد تەڭگە ءبولىندى.
كوشكىن سىندى ءقاۋىپتى جاعدايدىڭ الدىن الۋ ماقساتىندا 2024 جىلدىڭ اقپان ايىندا قالا اكىمىنىڭ تاپسىرماسى بويىنشا ءقاۋىپتى ۋچاسكەلەردى زەرتتەۋ ءۇشىن جۇمىس توبى قۇرىلدى. مەدەۋ اۋدانى بويىنشا 74 ۋچاسكە زەرتتەلدى، ونىڭ 10-ى تۇراقتى، قوسىمشا جۇمىستار جۇرگىزۋدى تالاپ ەتپەيدى. تاۋەكەل دارەجەسى جوعارى 11 ۋچاسكە بويىنشا ونىڭ 5ء-ىن نىعايتۋ جانە قالعان 6 ۋچاسكەنى ساتىپ الۋ جونىندە شەشىم قابىلدانادى. 53ء-ى بويىنشا جوسپارلى رەجيمدە كەشەندى جۇمىستار جۇرگىزىلەدى.
