Abai oblysy, Besqaraǵai aýdanynyń Glýhovka aýylynda jańa órt sóndirý beketi paidalanýǵa berildi, dep habarlaidy Dalanews.kz
Ashylý saltanatyna óńirge jumys saparymen kelgen Tótenshe jaǵdailar ministri Shyńǵys Árinov, oblys ákiminiń birinshi orynbasary Erbol Sadyr, memlekettik organdar men órt sóndirý qyzmetiniń ókilderi jáne jergilikti turǵyndar qatysty.
Ministr óz sózinde eldi mekenderdiń qaýipsizdigin qamtamasyz etýde osyndai infraqurylymdardyń mańyzy zor ekenin atap ótti.
Glýhovka aýylyndaǵy jańa beket zamanaýi tehnikamen jabdyqtalyp, kásibi mamandarmen jasaqtalǵan. Munda 6 órt sóndirýshi men 1 arnaiy tehnika qyzmet etedi.
Beket 581 turǵyn úidi, 2 mektepti, 4 meditsinalyq pýnktti, 15 dúken men 25 sharýa qojalyǵyn tilsiz jaýdan qorǵaýǵa arnalǵan. Bul nysan tótenshe jaǵdailarǵa jedel áreket etýge jáne turǵyndarǵa der kezinde kómek kórsetýge múmkindik beredi.
