Belgili vizajist Robert Minasian Qazaqstannyń eks-prezidenti Nursultan Nazarbaevtyń otbasymen jumys istegen kezeńin eske aldy. Bul týraly ol jýrnalist ári bloger, "Dom-2" jobasynyń burynǵy qatysýshysy Rýstam Solntsevtiń blogynda aitqan, dep habarlaidy dalanews.kz.
Minasiannyń sózinshe, shamamen 20 jyl buryn ony arnaiy Almatyǵa shaqyrǵan. Aitýynsha, sol kezde oǵan eks-prezidenttiń qyzy Áliia Nazarbaevaǵa makiiaj jasaý usynylǵan.
Vizajist bul sapardyń bir kúndik jumys retinde ǵana shektelmegenin jetkizdi.
"Meni arnaiy aldyrtyp, bes túnge qaldyrdy", – dedi ol.
Minasian sol kúnderi Nazarbaevtar áýletiniń jaqyn ortasynda bolǵanyn aityp, ýaqyttyń túrli keshter men basqosýlarda ótkenin eske aldy.
"Bes tún qatarynan óte qyzý qydyrdyq", – dedi vizajist.
Sondai-aq ol dál osy sapar kezinde alǵash ret Birkin sómkesin kórgenin aitty. Minasian sol kezeńdegi sán-saltanat pen bailyqtyń aýqymy ózine erekshe áser etkenin jasyrmady.
Vizajist atqarǵan jumysy úshin qomaqty syiaqy alǵanyn da málimdedi. Onyń aitýynsha, Áliia Nazarbaeva bir makiiaj úshin “ondyq” tólegen. Alaida ol bul somanyń naqty qai valiýtada berilgenin aitpady.
Aita keteiik, Robert Minasian 1990-jyldardan beri grimer ári vizajist retinde jumys istep keledi. Ol kásibi jolynda birneshe elde eńbek etken. Qazir Kaliforniiada turady. Onyń qyzmetin AQSh, Resei, Armeniia jáne Germaniiadaǵy shoý-biznes ókilderi paidalanǵan.
