Ótken bes táýlik ishinde Qazaqstannyń Tótenshe jaǵdailar ministrligi qutqarýshylary qar qursaýynda qalǵan 257 adamdy qutqaryp, evakýatsiialady. Olardyń ishinde 23 bala bar, dep habarlaidy Dalanews.kz.
TJM málimetinshe, aýa raiynyń kúrt nasharlaýyna bailanysty qutqarý jumystary júrgizilgen. Boran, kóktaiǵaq, qatty jel jáne kórinýdiń nólge deiin tómendeýi saldarynan 36 avtokólik qardan shyǵarylǵan.
Vedomstvo azamattardy saqtyq sharalaryn saqtaýǵa, daýyldy eskertýlerdi nazarda ustaýǵa jáne qolaisyz aýa raiy kezinde alys jolǵa shyqpaýǵa shaqyrdy. Sonymen qatar aýyl turǵyndaryna aýa raiy nasharlaǵan kezde uzaq jaiaý júristen bas tartý usynyldy.
Qutqarý qyzmeti tótenshe jaǵdailardyń aldyn alý úshin qaýipsizdik talaptaryn qatań saqtaýdyń mańyzdylyǵyn eske saldy.
