Өткен бес тәулік ішінде Қазақстанның Төтенше жағдайлар министрлігі құтқарушылары қар құрсауында қалған 257 адамды құтқарып, эвакуациялады. Олардың ішінде 23 бала бар, деп хабарлайды Dalanews.kz.
ТЖМ мәліметінше, ауа райының күрт нашарлауына байланысты құтқару жұмыстары жүргізілген. Боран, көктайғақ, қатты жел және көрінудің нөлге дейін төмендеуі салдарынан 36 автокөлік қардан шығарылған.
Ведомство азаматтарды сақтық шараларын сақтауға, дауылды ескертулерді назарда ұстауға және қолайсыз ауа райы кезінде алыс жолға шықпауға шақырды. Сонымен қатар ауыл тұрғындарына ауа райы нашарлаған кезде ұзақ жаяу жүрістен бас тарту ұсынылды.
Құтқару қызметі төтенше жағдайлардың алдын алу үшін қауіпсіздік талаптарын қатаң сақтаудың маңыздылығын еске салды.
