Abai oblysynyń ákimi Berik Ýáli Horvatiia Respýblikasynyń Qazaqstandaǵy Tótenshe jáne ókiletti elshisi Refik Shabanovichpen kezdesti, dep habarlaidy Dalanews.kz
Búginde Qazaqstan men Horvatiia arasyndaǵy diplomatiialyq qarym-qatynastyń ornaǵanyna 30 jyldan asty. Sońǵy jyldary týrizm, bilim berý jáne logistika salalarynda áriptestik keńeiip keledi.
Kezdesý barysynda elshi jaqynda Astanada úlken biznes forým ótetinin aityp, Abai oblysynyń kásipkerlerin sol sharaǵa qatysýǵa shaqyrdy. Forýmǵa eki eldiń salalyq ministrlikteri men biznes qaýymdastyqtary qatysady dep josparlanyp otyr.
Qurmetti qonaq Horvatiianyń kólik, farmatsevtika, IT salasynda áleýeti zor ekenin atap ótip, óńirde birlesken jobalardy júzege asyrý boiynsha usynystaryn jetkizdi.
«Qazaq elimen barlyq salada yntymaqtastyǵymyzdy keńeitkimiz keledi. Almaty qalasynda bizdiń memlekettiń birneshe farmatsevtikalyq kompaniiasy bar. Sizderdiń taraptan qoldaý bolsa osyndai bir kompaniiany Abai oblysynda ashqymyz keledi. Basqa da salalarda birlese jumys isteýge daiynbyz», - dedi Refik Shabanovich.
Aimaq basshysy elshige óńirge arnaiy kelgeni úshin alǵys bildirip, oblys ákimdigi barlyq salada birlese jumys isteýge daiyn ekenin aitty.
«Qurmetti elshi myrza, Abai eline qosh keldińiz. Sizdiń bizdiń elimizde uzaq jyldar jumys istegen, eń tájiribeli elshi ekenińizdi jaqsy bilemin. Eki eldiń saiasi, áleýmettik, ekonomikalyq qarym-qatynasyn nyǵaitýǵa qosyp jatqan úlesińiz zor. Kezdesýde aitqan usynystaryńyzdy qýana qabyl alamyz. Salalyq basqarmaǵa tiisti tapsyrma beremin. Bizdiń óńirge jańa jobalar óte qajet. Birlesip jumys isteýge daiynbyz», – dedi oblys ákimi.
