Búgin Abai oblysynyń ákimi Berik Ýáli Semei qalasyndaǵy birqatar saýda oryndaryn aralap, halyqqa qyzmet kórsetetin nysandardyń abattandyrylýyna, tazalyq talaptaryn saqtaýyna basa nazar aýdardy. Aimaq basshysy quqyq qorǵaý, sanitarlyq-epidemiologiialyq qyzmet ókilderimen birge shahardyń ortasyndaǵy «Niva» saýda úii, «Jansaia» bazary men «Myń bastaý» saýda ortalyǵyna bardy, dep habarlaidy Dalanews.kz.
Aralaý barysynda halyq jii keletin saýda nysandarynda abattandyrý men sanitarlyq tazalyq deńgeii talapqa sai kelmeitini anyqtaldy. 1985 jyly salynǵan «Niva» saýda úiiniń aldynda eski dúńgirshikter ornatylǵan, baspaldaqtary tazartylmaǵan, ǵimarattyń tóbesinen sý aǵyp jatyr. Al «Jansaia» bazary ǵimaratynyń qasbeti talapqa sai emes, bazar syrtyndaǵy konteinerler men ishindegi saýda býtikteri eskirgen.
Aimaq basshysy tazalyqqa nemquraily qaraǵan saýda oryndaryna olqylyqtardy tez arada joiýdy, bul baǵyttaǵy jumysty kúsheitýdi, Semei qalasynyń ákimine kásipkerlik basqarmasy, sanitarlyq-epidemiologiialyq baqylaý departamenti jáne quqyq qorǵaý organdary ókilderimen birlesip qalanyń kelbetin buzyp turǵan saýda oryndaryna zań aiasynda tekserý júrgizýdi tapsyrdy. Oblysta Memleket basshysynyń bastamasymen iske asyp jatqan «Taza Qazaqstan» baǵdarlamasy aiasynda osy aptanyń demalys kúnderinen senbilikter men tazalyq aktsiiasy bastalatynyn aityp, kásipkerlerdiń de ortaq jaýapkershilikti sezinip, óz nysandarynyń tazalyǵy men tártibine jiti mán berýi qajet ekenin qatań eskertti. Eskertýdi elemegenderge aiyppul salynatynyn aitty.
Politsiia departamentiniń málimetinshe, «Taza Qazaqstan» baǵdarlamasy aiasynda abattandyrý qaǵidalaryn saqtaý boiynsha reidtik is-sharalar júrgizilýde. Jyl basynan beri 3 616 quqyq buzýshylyq anyqtalyp, 12,3 mln teńge aiyppul salyndy, 3 178 eskertý berildi. Quqyq buzýshylyqtardyń aldyn alýda beinebaqylaý kameralary tiimdi qoldanylýda. Olardyń kómegimen 291 quqyq buzýshylyq anyqtaldy. Oblys ákimi aldaǵy ýaqytta reidtik is-sharalardy jalǵastyrýdy, osy baǵyttaǵy jumysty kúsheitýdi tapsyrdy.
«Talap – barlyǵyna ortaq. Qalanyń qaq ortasynda turǵan saýda oryndaryndaǵy tazalyqtyń mundai deńgeide bolýy múldem durys emes. Semei – óz qalamyz, ortaq úiimiz. Ony taza ustaý – árqaisymyzdyń mindetimiz. Tazalyqqa salǵyrt qaraityn barlyq biznes nysandaryna áýeli zań aiasynda eskertý beriledi. Eskertýdi elemegenderdi jaýapqa tartyp, aiyppul salamyz. Kásipkerler ózderi tabys taýyp otyrǵan nysandarynyń ainalasyn taza, uqypty ustaýy kerek. Biznes ieleri tabystarynyń bir bóligin abattandyrýǵa jumsaýy tiis. Halyqqa qyzmet kórsetetin saýda oryndary zaman talabyna sai bolýy kerek», – dedi Berik Ýáli.
Oblys ákimi saýda oryndary basshylaryna, qala ákimdigine saýda oryndaryn jańǵyrtý, abattandyrý boiynsha jobalaryn usynyp, bekittirýdi tapsyrdy. Úsh aidan keiin kelip, arnaiy tekseretinin aitty.
Aita keteiik, byltyr oblysta ótken jalpyóńirlik senbilik aiasynda 349 myńnan astam turǵyn tazalyq jumystaryna qatysyp, 52 myń tonna qaldyq shyǵaryldy. 70 myńnan astam kóshet otyrǵyzylyp, 191 zańsyz qoqys orny joiyldy. Sonymen qatar, «Úlgili aýyl» baiqaýy uiymdastyrylyp, aýyldyń infraqurylymyn jaqsartý men tazalyǵyn saqtaý jumystaryna qatysyp, belsendilik tanytqan 20 aýylǵa 20 jańa traktordyń kilti tabystaldy.
