Túrikmenstanǵa sapary kezinde Ońtústik Koreia Prezidenti men onyń jubaiyna syiǵa tartylǵan alabaidyń eki kúshigi Kvachon qalasynyń haiýanattar baǵyna ornalastyryldy. Bul týraly kúni keshe The Korea Herald basylymy Prezidenttiń baspasóz qyzmetine silteme jasap habarlady, dep jazady Dalanews.kz.
Happy jáne Joy esimdi alabai kúshikteri Seýldegi prezidenttik rezidentsiiada shamamen 40 kún bolǵan. Jeti aidan soń jondary kúdireiip, júnderi jyltyrap shyǵa kelgen úlken itterdiń salmaǵy 40 keliden asyp, boilary 170 santimetrdi qurapty. Prezidenttiń baspasóz qyzmeti qaýipsizdik maqsatynda olardy "bólek shyǵarý" týraly sheshim qabyldaǵanyn habarlaidy.
"Qazirgi ýaqytta úi janýarlaryn jaqsy kóretin prezidenttik jup óziniń resmi rezidentsiiasynda alty it pen bes mysyq ustaidy", delingen jańalyqtarda. Al túrikmen alabailary Seýlge jaqyn ornalasqan Seoul Grand Park haiýanattar baǵyna jetkizilgen.
Ońtústik Koreia prezidenti Iýn Sok Iol áieli Kim Kon-Himen birge Túrikmenstanǵa memlekettik saparmen biyl maýsym aiynda bolypty. Mine, sol kezde olar eki kúshikti qushaqtai qaitypty.
Kim Kon Hi men Iýn Sok El 2012 jyly 11 naýryzda úilendi, ol kezde olar 40 jáne 52 jasta bolatyn.
Aita ketsek, Ońtústik Koreia prezidenti áielimen birge Qazaqstanǵa da 2024 jyly 12 maýsymda kelgen bolatyn. Astanada gala-kontsert bastalar aldynda ulttyq óner týyndalyrynyń kórmesin tamashalaǵan kezde saiasi jup qazaqtyń tazysyna úlken qyzyǵýshylyq tanytqan edi.
Negizi, Qasym-Jomart Toqaev Frantsiia prezidenti Emmaniýel Makronǵa tazy tuqymynyń kúshikterin syilaǵan bolatyn. Qazir bul itter Elisei saraiynda turady.
