Shymkent ákiminiń burynǵy orynbasary Rýslan Berdenovke oq atylǵan qarý Astanada resmi túrde esepten shyǵarylǵan bolyp shyqty. Bul týraly Májilis dálizinde ishki ister ministri Erjan Sádenov málimdedi, dep habarlaidy Dalanews.kz.
Onyń aitýynsha, buǵan politseilerdiń salǵyrttyǵy sebep bolǵan, sondyqtan qylmystyq is qozǵalǵan.
Jýrnalisterdiń saýalyna jaýap bergen ministr qarýdyń Astanada esepten shyǵarylyp, keiin Shymkentten tabylǵanyn janama túrde rastady.
"Ókinishke qarai, mundai jaǵdailar kezdesedi. Bul bireýdiń satyp jibergeninen emes, politsiia qyzmetkerleriniń nemqurailyǵynan týyndap otyr. Qazir qylmystyq is qozǵaldy, tergeý barysynda kinálilerdiń kim ekeni jáne qarýdyń qaidan shyqqany anyqtalady", – dedi Erjan Sádenov.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Artynsha kúdikti ustalyp, ýaqytsha ustaý izoliatoryna qamaldy, bul derek boiynsha qylmystyq is qozǵaldy.
Keiinirek sot úkimi shyqty. Ernar Jiembai 9 jylǵa sottaldy.
