شىمكەنت ەكٸمٸنٸڭ بۇرىنعى ورىنباسارى رۋسلان بەردەنوۆكە وق اتىلعان قارۋ استانادا رەسمي تٷردە ەسەپتەن شىعارىلعان بولىپ شىقتى. بۇل تۋرالى مەجٸلٸس دەلٸزٸندە ٸشكٸ ٸستەر مينيسترٸ ەرجان سەدەنوۆ مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, بۇعان پوليتسەيلەردٸڭ سالعىرتتىعى سەبەپ بولعان, سوندىقتان قىلمىستىق ٸس قوزعالعان.
جۋرناليستەردٸڭ ساۋالىنا جاۋاپ بەرگەن مينيستر قارۋدىڭ استانادا ەسەپتەن شىعارىلىپ, كەيٸن شىمكەنتتەن تابىلعانىن جاناما تٷردە راستادى.
"ٶكٸنٸشكە قاراي, مۇنداي جاعدايلار كەزدەسەدٸ. بۇل بٸرەۋدٸڭ ساتىپ جٸبەرگەنٸنەن ەمەس, پوليتسييا قىزمەتكەرلەرٸنٸڭ نەمقۇرايلىعىنان تۋىنداپ وتىر. قازٸر قىلمىستىق ٸس قوزعالدى, تەرگەۋ بارىسىندا كٸنەلٸلەردٸڭ كٸم ەكەنٸ جەنە قارۋدىڭ قايدان شىققانى انىقتالادى", – دەدٸ ەرجان سەدەنوۆ.
ەكٸمدٸك ماڭىنداعى اتىس تۋرالى
21 سەۋٸردە شىمكەنت قالاسى ەكٸمدٸگٸ عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. ارتىنشا كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى, بۇل دەرەك بويىنشا قىلمىستىق ٸس قوزعالدى.
كەيٸنٸرەك سوت ٷكٸمٸ شىقتى. ەرنار جيەمباي 9 جىلعا سوتتالدى.
