Shymkent ákiminiń orynbasary Rýslan Berdenovke qastandyq jasaý deregi boiynsha tergeý aiaqtaldy. Qazir taraptar qylmystyq is materialdarymen tanysyp jatyr, dep habarlaidy Dalanews.kz.
Buǵan deiin sot kúdiktige eki ai merzimge qamaýǵa alý túrindegi bultartpaý sharasyn tańdaǵan bolatyn.
"Tergeý aiaqtaldy, qazir taraptar is materialdarymen tanysyp jatyr. Osydan keiin is prokýratýraǵa, sodan soń sotqa jiberiledi. Ázirge sot protsesi bastalǵan joq", - dep túsindirdi sot ókilderi.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Politsiia málimetinshe, kúdikti ustalyp, ýaqytsha ustaý izoliatoryna qamalǵan, bul derek boiynsha qylmystyq is qozǵalǵan.
"Shymkent qalasy ákiminiń orynbasary oq jaraqatymen qalalyq aýrýhanaǵa tústi. Oǵan shuǵyl operatsiia jasaldy. Operatsiia barysynda qan ketý toqtatyldy, zaqym qalpyna keltirildi. Ómirine qaýip joq", - dep jazylǵan buǵan deiingi DSM habarlamasynda.
