شىمكەنت اكىمىنىڭ ورىنباسارى رۋسلان بەردەنوۆكە قاستاندىق جاساۋ دەرەگى بويىنشا تەرگەۋ اياقتالدى. ءقازىر تاراپتار قىلمىستىق ءىس ماتەريالدارىمەن تانىسىپ جاتىر، دەپ حابارلايدى Dalanews.kz.
بۇعان دەيىن سوت كۇدىكتىگە ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن تاڭداعان بولاتىن.
"تەرگەۋ اياقتالدى، ءقازىر تاراپتار ءىس ماتەريالدارىمەن تانىسىپ جاتىر. وسىدان كەيىن ءىس پروكۋراتۋراعا، سودان سوڭ سوتقا جىبەرىلەدى. ازىرگە سوت پروسەسى باستالعان جوق"، - دەپ ءتۇسىندىردى سوت وكىلدەرى.
اكىمدىك ماڭىنداعى اتىس تۋرالى
21 ساۋىردە شىمكەنت قالاسى اكىمدىگى عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. پوليسيا مالىمەتىنشە، كۇدىكتى ۇستالىپ، ۋاقىتشا ۇستاۋ يزولياتورىنا قامالعان، بۇل دەرەك بويىنشا قىلمىستىق ءىس قوزعالعان.
"شىمكەنت قالاسى اكىمىنىڭ ورىنباسارى وق جاراقاتىمەن قالالىق اۋرۋحاناعا ءتۇستى. وعان شۇعىل وپەراسيا جاسالدى. وپەراسيا بارىسىندا قان كەتۋ توقتاتىلدى، زاقىم قالپىنا كەلتىرىلدى. ومىرىنە ءقاۋىپ جوق"، - دەپ جازىلعان بۇعان دەيىنگى دسم حابارلاماسىندا.
